Простыя правілы, якія ратуюць кармы
Нарыхтоўка кармоў у раёне ідзе поўным ходам. Але важна не толькі ўбраць ураджай, а і захаваць яго без страт. Менавіта таму ў перыяд корманарыхтоўкі сельгаспрадпрыемствы знаходзяцца пад асаблівай увагай ратавальнікаў – кантроль пажарнай бяспекі ў гэты перыяд крытычна важны.
Што павінен зрабіць кіраўнік гаспадаркі
Каб мінімізаваць рызыкі і пазбегнуць страт, неабходна правесці комплекс супрацьпажарных мерапрыемстваў: прызначыць адказных за супрацьпажарную падрыхтоўку, уключаючы ўборачную тэхніку і арганізацыю супрацьпажарнага рэжыму; правесці інструктаж для ўсіх работнікаў; вадзіцелі, камбайнеры, трактарысты і іншыя спецыялісты абавязаны прайсці навучанне па пажарным тэхнічным мінімуме.
Патрабаванні да тэхнікі
Перад выхадам у поле транспарт павінен быць поўнасцю падрыхтаваны: абсталяваць машыны пярвічнымі сродкамі пажаратушэння.
Вадзіцель абавязаны рэгулярна чысціць рухавік, калектар, выхлапную трубу і іскрагасільнік ад пылу і нагару.
Выкарыстанне адкрытага агню для выпальвання забруджванняў катэгарычна забаронена!
Як правільна складзіраваць грубыя кармы
Пры фарміраванні сцірты і штабялёў неабходна выконваць шэраг патрабаванняў:
вылучыць асобную пляцоўку для захоўвання кармоў;
забяспечыць супрацьпажарныя парывы паміж сціртамі, навесамі і групамі штабялёў;
выконваць бяспечную адлегласць да ліній электраперадач, будынкаў і збудаванняў.
Захаванне гэтых правілаў – гарантыя таго, што ўраджай гаспадарак будзе пад надзейнай абаронай.
Пры ўзнікненні пажару неабходна неадкладна тэлефанаваць па нумарах 101 або 112.
Вадзім ПІВАВАРАЎ, інспектар РАНС.
