Бронза і серабро – у шумілінцаў
Шумілінскія футбалісты паказалі добрыя вынікі на абласным фінале спаборніцтваў «Скураны мяч».
У Віцебску прайшлі абласныя фінальныя спаборніцтвы па футболе «Скураны мяч» на прызы Прэзідэнцкага спартыўнага клуба. Шумілінскі раён на гэтых стартах прадставілі тры каманды – і ўсе вярнуліся з узнагародамі!
Хлопцы 2012-2013 гадоў нараджэння ў напружанай барацьбе заваявалі бронзавыя медалі (трэцяе месца).
Яшчэ дзве нашы дружыны падняліся на другую прыступку п’едэстала: серабро ў хлопцаў 2016-2017 гадоў нараджэння і ў дзяўчат 2015-2017 гадоў нараджэння. Усе сустрэчы прайшлі ў жорсткай канкурэнцыі, але юныя спартсмены не саступілі ні ў майстэрстве, ні ў волі да перамогі.
Асаблівая падзяка – трэнерам, якія падрыхтавалі каманды, прадумалі тактыку і натхнялі хлопцаў і дзяўчат на працягу ўсяго турніру. Хлопцаў рыхтавалі Уладзіслаў Траццякоў і Сяргей Сахончык, дзяўчат – Віктар Гусакоў і Уладзімір Кучко. Гэтыя спецыялісты ўклалі ў каманды не толькі футбольныя навыкі, але і веру ў сілы.
Аляксандр ШЭДЗЬКО.
