«Тры плыні, якімі мы ганарымся»
Слова – раённаму маладзёжнаму лідару Вікторыі РАТНІКАВАЙ
- Студатрадаўскі рух
Для нашай моладзі гэта не проста падзаработак – гэта школа характару. Студатрады даўно сталі брэндам, які ведаюць і за межамі раёна. Кожнае лета ўсё больш шумілінскіх хлопцаў і дзяўчат выбіраюць будоўлю, экалогію або вытворчасць, каб зарабіць першыя грошы, навучыцца працаваць у камандзе і адчуць смак сапраўднай справы.
У сезоне «лета-2026» ў нас будзе працаваць 7 студатрадаў агульнай колькасцю 50 чалавек – моцных, матываваных, гатовых да выніку.
- Валанцёрскі рух «Добрае сэрца»
Гэта наш асаблівы гонар. Валанцёры – людзі, якія ўмеюць дарыць цяпло проста так. Яны дапамагаюць ветэранам, падтрымліваюць дзяцей з асаблівасцямі здароўя, акультурваюць тэрыторыі, аднаўляюць святыні, берагуць прыроду. Нашы акцыі – «У школу з добрым сэрцам», «Цуды на Каляды», «Падзяліся цяплом душы сваёй», «Убяром снег разам», «Ад усёй душы» – даўно сталі ў раёне сімвалам чалавечнасці і сапраўднай міласэрнасці.
- Прапаганда здаровага ладу жыцця
Мы ўпэўнены: моцная моладзь – моцны раён. Таму развіваем спорт і актыўны адпачынак. «Гульні розуму», турыстычныя злёты, ваенна-патрыятычныя гульні і лагеры, сямейныя спартландыі, турніры па футболе і баскетболе – усё гэта аб’ядноўвае рабят, вучыць іх быць смелымі, дружнымі і мэтанакіраванымі.
