Дзяржкантралёры Камітэта дзяржаўнага кантролю Віцебскай вобласці па-ранейшаму выяўляюць значную колькасць парушэнняў зямельнага і прыродаахоўнага заканадаўства, зарастанне пустазельнай і драўнінна-хмызняковай расліннасцю, захламленых бытавымі і будаўнічымі адходамі тэрыторый населеных пунктаў і прылеглых да іх зямель.
Каб даць ацэнку названым праблемным пытанням, Камітэт дзяржкантролю Віцебскай вобласці 31 жніўня правядзе «гарачую лінію» з жыхарамі вобласці, куды можна выказаць меркаванне па гэтых пытаннях з прывядзеннем канкрэтных фактаў.
Звароты будуць прымацца з 10.00 да 17.00 (перапынак з 13.00 да 14.00) па тэлефонах 8(0212)37-62-91 і 37-51-01.
Акрамя таго, прапануецца да 31 жніўня з дапамогай Інтэрнэту (па электроннай пошце kgkvitebsk@mail.belpak.by з адзнакай «навядзенне парадку на зямлі») інфармаваць Камітэт вобласці аб праблемных пытаннях навядзення парадку на землях населеных пунктаў.
Звяртаем увагу, што накіраваная інфармацыя не падлягае разгляду ў парадку, вызначаным законам Рэспублікі Беларусь «Аб зваротах грамадзян і юрыдычных асоб».
