З поля – у мастацтва
На трасе Р‑20, непадалёк ад шумілінскай АЗС і амаль на павороце да Добрына, з’явіліся арыгінальныя аб’екты.
Звычайныя цюкі саломы ва ўмелых руках майстроў – работнікаў культуры, Дома рамёстваў і раённай бібліятэкі – ператварыліся ў сапраўдныя творы мастацтва. Шумілінская гасцінная гаспадыня нагадвае, што 2026-ты – Год беларускай жанчыны, і прыцягвае позіркі сваёй самабытнасцю і прыгажосцю.
А тры вясёлыя каровы нагадваюць, што наш раён – сельскагаспадарчы.
У кожнай рабоце – бязмежная творчая фантазія, любоў да роднай зямлі. Праязджаючыя прыпыняюцца каля малых архітэктурных формаў, каб сфатаграфавацца на памяць.
Ларыса ЗАЙЦАВА.
