«Дай пяць!» – раённыя спаборніцтвы сярод дзяцей і падлеткаў па дысцыплінах сучаснага пяцібор’я ўпершыню прайшлі на гарадскім стадыёне ў Шуміліне. У іх прынялі ўдзел вучні з 8 школ раёна. Спаборніцтвы праводзіліся ў дзвюх узроставых групах – малодшай і старэйшай.
Гэта быў сапраўдны спартыўны фэст з азартам, хваляваннем і бескампраміснай барацьбой. Спачатку ўдзельнікі стралялі з пнеўматычнай зброі, лежачы на дыване, потым – беглі круг па стадыёне. І так тры разы. У старэйшай групе дабаўляўся яшчэ адзін круг. За кожны промах – штрафны круг! Таму цана кожнага стрэлу была вельмі высокай: адно недакладнае «міма» – і даводзілася зноў даганяць сапернікаў.
Малодшая група
Першае месца – Ксенія Герцык (Слабадская БШ) і Віктар Пясецкі (Амбросавіцкая БШ), другое – Паліна Пажарыцкая (СШ № 1) і Дзяніс Масько (Кардонская СШ), трэцяе – Аляксандра Купчанка (Обальская СШ) і Аляксандр Трутнеў (Кардонская СШ).
Старэйшая група
Першае месца – Мілана Грачушнік і Павел Мацюшкоў (абодва з СШ № 2), другое – Ульяна Піскунова (Обальская СШ) і Яўген Несцераў (Слабадская БШ), трэцяе – Вікторыя Курачова (Обальская СШ) і Павел Лашкоў (Мікіціхінская СШ).
Камандны залік: першае месца – Слабадская БШ (настаўнік фізкультуры Уладзмір Кучко), другое – Обальская СШ (Віктар Гусакоў), трэцяе – СШ № 2 (Вадзім Навуменка і Лізавета Сідарава).
Аляксандр ШЭДЗЬКО.
