Сад Надзеі і Адзінства ў Шуміліне
У СШ № 1 г. п. Шуміліна члены ваенна-патрыятычнага клуба «Юны гвардзеец» і валанцёры атрада «Па поклічу сэрца» заклалі яблыневы сад Надзеі і Адзінства.
Кожная пасаджаная яблыня стане часцінкай жывой гісторыі школы, напамінам пра тое, што сапраўдныя каштоўнасці – мір, згода і любоў да роднай зямлі – перадаюцца ад пакалення да пакалення.
Метадыст вучэбна-метадычнага кабінета Вераніка Полацкая, якая ўдзельнічала ў мерапрыемстве, падзялілася ўражаннямі:
– Яблыневы сад – гэта не проста дрэвы каля школы. Гэта добрая справа, якая аб’ядноўвае дзяцей, настаўнікаў і дарослых. Няхай кожнае дрэўца расце, набіраецца сілы, квітнее вясной і радуе пладамі. Няхай дзеці глядзяць на гэты сад і вучацца берагчы тое, што створана разам. Хочацца, каб сад Надзеі і Адзінства рос разам з дзецьмі, са школай і пасёлкам.
Аляксандр ШЭДЗЬКО.
