Служба 102: тыдзень у лічбах і фактах
За мінулы тыдзень у РАУС паступіла 62 заявы і паведамленні, расказаў начальнік штаба Віктар Попелаў.
Раённым аддзелам Следчага камітэта па матэрыялах праверак РАУС крымінальныя справы за мінулы тыдзень не былі ўзбуджаны.
Выяўлена 8 адміністрацыйных правапарушэнняў, 2 – за знаходжанне ў стане алкагольнага ап’янення ў грамадскіх месцах, 3 – за нявыхад абавязанай асобы на работу, па аднаму – за дробнае хуліганства, непадпарадкаванне супрацоўнікам міліцыі, ілжывы выклік.
Праведзена адпрацоўка 33 жыхароў раёна, якія стаяць на прафілактычным уліку ў РАУС за правапарушэнне ў быце. Праверана і адпрацавана 30 месцаў зборышч асоб асацыяльных паводзін, вынесена 2 пастановы аб пастаноўцы на ўлік у РАУС за здзяйсненне розных правапарушэнняў.
Па лініі інспекцыі па справах непаўналетніх праверана 7 непаўналетніх, з якімі праводзіцца індывідуальна-прафілактычная работа. Выяўлены 3 факты сямейнага нядобрабыту, інфармацыя накіравана ў аддзел па адукацыі райвыканкама.
Адбылося 5 дарожна-транспартных здарэнняў (людзі не пацярпелі, аўтамабілям патрабуецца рамонт).
Выяўлены 102 парушэнні правілаў дарожнага руху (12 – за перавышэнне хуткасці, 10 – за непрышпілены рамень бяспекі). Правілы дарожнага руху парушылі 15 пешаходаў, у тым ліку 13 з іх не былі пазначаны святловяртальнымі элементамі ў цёмны час сутак.
Падрыхтавала Людміла ЗУЙКОВА.
