Гваздзікі, Ленін і «Аўрора». 10 цікавых фактаў, звязаных з Кастрычніцкай рэвалюцыяй
- Кастрычніцкая рэвалюцыя адбылася ў самыя кароткія тэрміны.
На захоп Зімовага Палаца і Часовага ўрада пайшло чатыры гадзі-ны, на саму змену ўлады – тры дні. Краіна была вельмі знясілена вай-ной, таму супраціўляцца ў буйных гарадах практычна ніхто не стаў. - Бальшавікі не звяргалі цара. Кастрычніцкая рэвалюцыя – не пра спробы пазбавіцца ад манархіі.
Царскую ўладу зверглі ў час лютаўскай рэвалюцыі амаль на год раней. Бальшавікі зверглі Часовы ўрад, які кіраваў краінай пасля пераходу да рэспубліканскага строю. - Керанскі не збягаў з Зімовага палаца ў сукенцы.
Гэты міф быў распаўсюджаны ў савецкай прапаганды. Дакладна вядома, што ў Зімовым затрымлівалі пакаёвак і медсясцёр, так што пераапранацца не было сэнсу. Хутчэй за ўсё Керанскі проста паехаў на дыпмабілі ЗША. - Залп з «Аўроры» нікуды не трапіў
На самой справе са славутага крэйсера выстралілі халастымі. Выкарыстаць баявыя снарады ці то не дазволілі, ці то іх проста не аказалася на караблі. - Рэвалюцыю чакалі са жніўня
Першыя сутыкненні прыхільнікаў Саветаў і Часовага ўрада пачаліся яшчэ летам. Бальшавікі чакалі яшчэ тры месяцы, каб пераманіць на свой бок больш салдат. - Бальшавікі не былі самай папулярнай партыяй сярод народа, але захапілі Саветы.
На выбарах ва Устаноўчы сход пасля Кастрычніцкай рэвалюцыі РСДРП(б) атрымала ўсяго 24% галасоў. Большасць было ў эсэраў, аднак «учрадзілку», як яе называлі бальшавікі, разагналі сілай. - Адна з першых пострэвалюцыйных рэформаў – змяненні ў рускай мове.
Бальшавікі стараліся стварыць мову, зразумелую масам. Таму «канфіскавалі» з рускай мовы тры «лішнія» літары, убралі еры ў канцы слоў і дужа спрасцілі арфаграфію. - Ленін меў 148 псеўданімаў
У 1901 г. Ульянаў упершыню выкарыстаў псеўданім «Ленін». Ёсць версія, што ў пачатку XX стагоддзя ён жыў па пашпарце рэальна існуючага Мікалая Леніна. Усяго ж у рэвалюцыянера было 148 псеўданімаў. Уладзімір Ільіч – адзін з нямногіх палітычных дзеячаў, якія не пакінулі аўтабіяграфіі. У архівах знайшлі толькі адзін лісток, на якім Ленін зрабіў спробу пачаць жыццяпіс, але працягу не было. - Кастрычніцкая рэвалюцыя стала першай высокатэхналагічнай рэвалюцыяй у гісторыі чалавецтва.
Пасля падаўлення ў Пецярбургу апошняга ачага супраціўлення і ўсталявання кантролю над горадам адбыўся першы ў гісторыі рэвалюцыйны радыёзварот да народа. Так, у 5 гадзін 10 хвілін раніцы 26 кастрычніка прагучаў «зварот да народа Расіі», у якім Петраградскі ваенна-рэвалюцыйны камітэт абвясціў пра пераход улады да Саветаў. - Кастрычніцкая рэвалюцыя была «кастрычніцкай» толькі тры месяцы.
У студзені 1918 г. быў прыняты «дэкрэт аб новым часе», які перавёў Расію на Грыгарыянскі каляндар. Цяпер дзень Кастрычніцкай рэвалюцыі адзначаюць 7 лістапада