«Новы час ставіць новыя задачы»
30 жніўня ў Шуміліне прайшла раённая педагагічная канферэнцыя «Адукацыя раёна – тэрыторыя паспяховага выхавання і навучання».
– Педагагічная канферэнцыя – гэта час адліку для новых спраў, новага этапу жыцця ў адукацыі, які адзначае пачатак яшчэ аднаго навучальнага года, для зносін аднадумцаў, якіх хвалюе сучаснае і будучае, якіх вядзе па сваім жыцці любоў да дзяцей, да малой радзімы. Шуміліншчына ганарыцца сваімі педагогамі, – звярнуўся да ўдзельнікаў канферэнцыі старшыня раённага выканаўчага камітэта Сяргей Галынчык. – Час ставіць новыя задачы. Мы не проста павінны ісці ў нагу з часам, а апераджаць гэты час, распрацоўваць новыя методыкі, уцягваць у працэс навучання і выхавання дзяцей і бацькоў.
Кіраўнік раёна адзначыў высокі ўзровень адукацыі, які забяспечваюць школы раёна і які дазваляе паступаць у самыя прэстыжныя ВНУ. Але стаіць задача дабіцца таго, каб выпускнікі школ Шуміліншчыны вярталіся на радзіму, бо ў раёне ёсць патрэба ў спецыялістах самых розных прафесій – аграрных педагагічных, інжынерных і медыцынскіх. Старшыня райвыканкама падкрэсліў, што сістэма адукацыі заўжды ў цэнтры дзяржаўнай палітыкі і мае падтрымку ў развіцці ўстаноў адукацыі раёна.
Сяргей Галынчык павіншаваў педагогаў раёна з Днём ведаў і ўручыў узнагароды лепшым.
Начальнік аддзела па адукакыі райвыканкама Аксана Талстая выступіла з дакладам, у якім падвяла вынікі работы сістэмы адукацыі ў 2022/2023 навучальным годзе, адзначыўшы і перамогі ў рэспубліканскіх прадметных алімпіядах, і 8 залатых медалістаў, і 3 вучні (з СШ № 1 і Обальскай СШ), якія набралі 100 балаў на цэнтралізаваным экзамене і тэсціраванні. Ёсць дасягненні ў спартыўнай і творчай дзейнасці. 78,9% выпускнікоў 11 класаў паступілі ў ВНУ. Вядзецца актыўная сістэмная работа па грамадзянскапатрыятычным выхаванні. Значныя сродкі ўкладзены ва ўмацаванне матэрыяльнатэхнічнай базы ўстаноў адукацыі.
Кіраўнік аддзела адзначыла работу калектываў устаноў адукацыі па падрыхтоўцы да новага навучальнага года, якая праведзена ва ўсіх школах і дзіцячых садах, пахваліла Кардонскую СШ і Слабадскую БШ, дзіцячы сад № 2. Асабліва шмат работы прыйшлося на педагогаў і работнікаў СШ № 2, якія ў ходзе капрамонту школы рыхтавалі вучэбныя кабінеты да новага навучальнага года. Усяго на бягучыя рамонты выдаткавана 15 тысяч рублёў з бюджэту, 19 тысяч склала спонсарская дапамога і пазабюджэтныя сродкі.
Шэраг пытанняў да сістэмы адукацыі быў пастаўлены Кіраўніком дзяржавы падчас нарады па падрыхтоўцы да но-вага навучальнага года. Што зроблена ў нашым раёне?
1 верасня званок празвініць для 1822 вучняў, у тым ліку 169 першакласнікаў, якія будуць займац ца ў 5 сярэдніх і 4 базавых установах агульнай сярэдняй адукацыі. Адукацыйны працэс забяспечыць калектыў педагогаў з высокім адукацыйным і кваліфікацыйным узроўнем. Педагагічны калектыў сёлета папоўніўся 11 маладымі спецыялістамі, з якіх 9 вярнуліся пасля заканчэння ВНУ на радзіму.
Бяспека і спрыяльныя ўмовы навучання. На стварэнне бяспечных умоў знаходжання дзяцей ва ўстановах адукацыі сёлета прадугледжана сума 105 тыс. рублёў. 9 устаноў адукацыі абсталяваныя відэаназіраннем, 5 будзе забяспечана трывожнай кнопкай, пачата распрацоўка праектнакаштарыснай дакументацыі на ўстаноўку сістэмы кантролю і кіравання доступам для СШ № 1 і Обальскай СШ. Для работы з дзецьмі з абмежаванымі магчымасцямі набытыя спецыяльныя сродкі навучання, мэбля.
Вядзецца капітальны рамонт Шумілінскай СШ № 2 (кошт 8,9 мільёна рублёў) – адрамантаваны асноўны будынак школы, узводзіцца корпус, у якім размесцяцца спартыўная зала, харчаблок на 125 месцаў, некалькі кабінетаў і санвузлоў.
Харчаванне
Распрацавана двухтыднёвае меню з уключэннем новых страў, якія падабаюцца вучням, набыты кухонны і сталовы посуд, абсталяванне для харчаблокаў, узмоцнены кантроль за якасцю прыгатаваных страў.
Падвоз вучняў
У новым навучальным годзе будзе забяспечаны падвоз 208 школьнікаў і 34 дашкольнікаў у 9 школ, 4 дзіцячыя сады, 1 спецыяльную ўстанову з 34 населеных пунктаў. Парк школьных аўтобусаў папоўніўся новым аўтобусам МАЗ на 32 месца.
Дзяржаўная абарона дзяцінства
Склалася сістэма ранняга выяўлення і прафілактыкі сацыяльнага нядобрабыту ў сям’і, што адбілася на зніжэнні сацыяльнага сіроцтва, павялічваецца колькасць прыёмных сямей. Разам з тым неабходна ўзмацняць работу па прафілактыцы правапарушэнняў непаўналетніх, па выяўленні фактаў насілля ў адносінах да дзяцей.
Падчас выступленняў прадстаўнікі ўстаноў адукацыі раёна дзяліліся вопытам работы па розных накірунках навучальнай і выхаваўчай работы, выказвалі прапановы па яе ўдасканаленні.
У рэзалюцыі, якая прынята на канферэнцыі, акрэсле-ны задачы па ўдасканаленні і развіцці выхаваўчай работы, фарміраванні інфармацыйнай культуры, навыкаў бяс-печных і адказных паводзін у Інтэрнэце, рабоце з БРСМ, павелічэнні занятасці вуч-няў за кошт новых форм занятасці карыснай дзейнасцю, уцягвання іх у заняткі па інтарэсах. Неабходна ўзмац-ненне прафарыентацыйнай работы і пашырэнне напрам-каў для класаў прафесійнай накіраванасці, арыентацыя вучняў на мэтавую падрыхтоўку. У цэнтры ўвагі застаец-ца якасць адукацыі, эфектыўнасць навукова-доследнай дзейнасці вучняў і ўдзел у рэ-спубліканскай алімпіядзе па навучальных прадметах.
Начальнік адзела па адукацыі райвыканкама Аксана Талстая ўручыла граматы аддзела вялікай групе педагогаў і работнікаў устаноў адукацыі.
Па традыцыі прагучалі словы падзякі педагогам ветэранам, якім былі ўручаны падарункі ад прафсаюзнай арганізацыі. Былі прадстаўлены маладыя спецыялісты.
Віншуем з узнагародай!
За шматгадовую добрасумленную працу, прафесіяналізм, асабісты ўклад у развіццё сістэмы адукацыі раёна, актыўную жыццёвую пазіцыю былі ўзнагароджаны кіраўнікі і педагогі ўстаноў адукацыі:
Ганаровай граматай Шумілінскага раённага выканаўчага камітэта
ЗАЗЫБА Зінаіда Аляксееўна, загадчык ДУА «Шумілінскі дзіцячы сад № 4».
Ганаровай граматай Шумілінскага раённага Савета дэпутатаў
СЯМЁНАВА Любоў Генадзеўна, метадыст ДУ «Шумілінскі раённы вучэбнаметадычны кабінет».
Падзяка старшыні Шумілінскага райвыканкама аб’яўлена
МАТЭЛЁНАК Ірыне Аляксандраўне, дырэктару ДУА «Амбосавіцкая базавая школа».
Ганаровай граматай Галоўнага ўпраўлення па адукацыі Віцебскага аблвыканкама:
БАБАЕВА Надзея Барысаўна, настаўнік матэматыкі ДУА «Мішневіцкая базавая школа імя Героя Савецкага Саюза А. С. Расказава»,
КРАСІЦКАЯ Алена Аляксандраўна, намеснік дырэктара па вучэбнай рабоце ДУА «Сярэдняя школа № 1 імя Героя Савецкага Саюза П. А. Акуцыёнка г. п. Шуміліна»,
ТАНАСІЕНКА Юрый Мікалаевіч, педагог дадатковай адукацыі ДУА «Шумілінскі раённы цэнтр дзяцей і моладзі»,
ГОЛУБ Таццяна Мікалаеўна, дырэктар ДУА «Кардонская сярэдняя школа імя Героя Беларусі А. І. Дубко»,
КАРАЛЕНКА Антаніна Уладзіміраўна, метадыст ДУ «Шумілінскі раённы вучэбнаметадычны кабінет».