Советы врача: если ребёнок заболел

Доктар лечыць. Бацькі дапамагаюць
Той факт, што да ўрача трэба звяртацца своечасова, ні для каго не з’яўляецца адкрыццём. Тым не менш на практыцы часта бывае інакш: перш чым звярнуцца за медыцынскай дапамогай да педыятра, бацькі стараюцца справіцца (на жаль, часта не паспяхова) з захворваннем самастойна. Але ж матулі і бабулі не могуць ацаніць стан захварэўшага дасканала, гэта можа зрабіць толькі чалавек з вопытам работы ў медыцыне і спецыяльнай медыцынскай адукацыяй. Людзі далёкія ад гэтага нават не могуць уявіць сабе, якое мноства існуе захворванняў, пры якіх змяненні ў паражоным органе працякаюць непрыкметна і стан дзіцяці можа даволі доўга здавацца нармальным. Таму і неабходныя прафілактычныя агляды хлопчыкаў і дзяўчынак рознага ўзросту, у тым ліку і з лабараторнымі даследаваннямі.
Часам вам здаецца, што ўрач задужа перабольшвае цяжкасць хваробы ці наадварот назначыў “даволі простае” лячэнне. Абгаварыце з доктарам сітуацыю, не спяшайцеся лячыць дзіцяці на свой розум, паверце, кожны ўрач лечыць па абавязковаму прынцыпу: “не нашкодзь!”.
Медыцынская статыстыка сведчыць, што бацькі 2/3 дзяцей, захварэўшых на вострыя рэспіратарныя хваробы і грып, і 60 % дзяцей, захварэўшых на пнеўманію, прыводзяць іх да ўрача толькі на шосты (!) дзень ад пачатку захворвання. Гэта недапушчальна!
Што могуць рабіць бацькі да прыходу доктара:
– пры вялікай тэмпературы даць жарапаніжальнае (прэпараты парацэтамолу ці ібупрафену), пакласці хворага ў ложак, часцей даваць піць кіпячоную ваду, кампот, морс.
Што могуць рабіць бацькі, каб назначанае доктарам лячэнне прахо-дзіла больш паспяхова:
– падтрымлівайце ў сям’і добразычлівую абстаноўку. Сваркі, дэспатычныя адносіны дарослых адзін да аднаго, да дзяцей спрыяюць развіццю ў іх нервовага расстройства, што ў выніку вядзе да працяглых хранічных захворванняў;
– забяспечце хвораму спакой, многія хваробы патрабуюць трымаць дзіцяці ў ложку;
– штодзень праводзьце вільготную ўборку і праветрывайце памяшканне. Свежае паветра і чысціня – важныя ўмовы для выздараўлення дзіцяці;
– старайцеся часцей паіць хворага свежапрыгатаванымі вітаміннымі напоямі (морс, сокі, кампоты);
– харчаванне і хворага, і здаровага дзіцяці павінна адпавядаць патрабаванням, несці карысць растучаму арганізму. Карміце дзяцей  натуральнымі малочнымі, мяснымі, рыбнымі стравамі. У меню павінны быць агародніна, садавіна, ягады, кашы з круп, а не каўбасы, чыпсы, цукеркі.
Пры якіх сімптомах бацькі павінны неадкладна выклікаць меддапамогу:
– пачашчанае ці цяжкае дыханне;
– сінюшнасць вакол вуснаў, іншых частак твару;
– з’яўленне на тулаве кровападцёкаў (нават вельмі маленькіх), кровацячэння з носу;
– высокая тэмпература;
– адказ дзіцяці ад піцця;