МЫ ПОМНІМ. МЫ ГАНАРЫМСЯ
«Памяць мацней за час» – мітынг, прысвечаны 80-годдзю вызвалення Беларусі ад нямецка-фашысцкіх захопнікаў, прайшоў 2 мая ў вёсцы Лескавічы на воінскіх могілках, дзе пахаваны 54 савецкія воіны, якія вызвалялі Шумілінскі раён.
Да ўдзельнікаў мерапрыемства звярнуліся старшыня раённага Савета дэпутатаў Мікалай Будневіч і дэпутат Палаты прадстаўнікоў Нацыянальнага сходу Рэспублікі Беларусь Аляксандр Стома. Прысутныя ўшанавалі памяць загінуўшых хвілінай маўчання, усклалі кветкі на могілікі.
На воінскіх могілках была ўстаноўлена інфармацый-ная таблічка з QR-кодам.
З кожным годам усё далей ад нас гераічныя і трагічныя гады Вялікай Айчыннай вайны. Але вечна будуць жывымі героі ў памяці людзей. Час над гэтай памяццю не мае ўлады. І гэта робіць людзей асабліва моцнымі.
Алена КАРПУШЭНКА.