Шумилинцы едут на областные «Дожинки» в Толочин

Працаўнікі сяла святкуюць у Талачыне
Заўтра, 3 кастрычніка, у Талачыне пройдзе абласны фестываль-кірмаш працаўнікоў сяла “Дажынкі-2015”.
Цэнтральнай падзеяй фестывалю стане ўрачыстае шэсце дэлегацый з усіх раёнаў вобласці і ўзнагароджанне пераможцаў спаборніцтва.
У праграме свята шматлікія выставы, прэзентацыі прадпрыемстваў аграпрамысловага комплексу і прамысловых прадпрыемстваў Віцебшчыны, прадстаўленне брэндаў раёнаў і гарадоў вобласці, спартыўныя і культурныя падзеі. На шматлікіх канцэртных пляцоўках свае таленты пакажуць работнікі культуры, пройдзе марш-парад духавых аркестраў і барабаншчыц.
У фестывалі бярэ ўдзел і прадстаўнічая дэлегацыя нашага раёна. Свой падворак будзе ў Шумілінскага райспажыўтаварыства, прадставяць Шуміліншчыну на “Дажынках” больш за 80 работнікаў культуры. На фестывалі будзе прадстаўлены брэнд раёна –  “Кірмаш бульбашоў”.
У афіцыйную дэлегацыю, якую ўзначальвае кіраўніцтва раёна, увайшлі перадавікі вытворчасці АПК, кіраўнікі сельскагаспадарчых, перапрацоўчых і абслугоўваючых арганізацый.
Сяргей ЕРМАЛАЕЎ.
Надрукавана ў №77 ад 02.10.2015 г.