Когда рыба задыхается подо льдом

Умовы лоўлі рыбы пры заморах
Сёння на некаторых вадаёмах Гарадоцкага, Шумілінскага раёнаў назіраецца пагаршэнне умоў зімоўкі рыбы. Гэта звязана са значнай тоўшчай лёду, снежным покрывам, рэзкім змяненнем сярэднясутачнай тэмпературы. У выніку на асобных водных аб’ектах адзначаюцца перадзаморныя з’явы.
Згодна з патрабаваннямі п. 108 Правілаў вядзення рыбалоўнай гаспадаркі і рыбалоўства ў выпадку ўзнікнення ў рыбалоўных угоддзях перадзаморных або заморных з’яў, якія пацверджаны дадзенымі гідрахімічных даследаванняў, праведзеных атэставанымі лабараторыямі, парадак і ўмовы лоўлі рыбы вызначаюцца мясцовымі выканаўчымі і распарадчымі органамі па ўзгадненні з тэрытарыяльнымі органамі Міністэрства прыродных рэсурсаў і аховы навакольнага асяроддзя і са структурнымі падраздзяленнямі Дзяржаўнай інспекцыі.
Такім чынам, раённы выканаўчы камітэт мае права па ўзгадненні з указанымі арганізацыямі вызначаць парадак і ўмовы лоўлі рыбы для канкрэтнага воднага аб’екта на перыяд узнікнення на ім заморных з’яў.
Рыбаловам-аматарам дазваляецца выкарыстоўваць толькі прылады аматарскага рыбалоўства, дазволеныя Правіламі (вудачкі, жэрліцы, сачкі дыяметрам не больш 0,5 м з памерам ячэі меншай 10 мм, пад’емныя сеткі памерам не больш 1х1 метр і памерам ячэі меншай 10 мм, толькі для лоўлі рыбы ў якасці прынады для лоўлі іншых відаў рыбы, бусакі з шырынёй крука не больш 9 см і сачкі для пад’ёму з вады рыбы, вылаўленай дазволенымі прыладамі рыбалоўства).
Лоўля рыбы ў рыбалоўных угоддзях, на якіх зафіксавана перадзаморная (заморная) сітуацыя, ажыццяўляецца пад кантролем структурных падраздзяленняў Дзяржаўнай інспекцыі.
Паважаныя грамадзяне! У выпадку выяўлення парушэнняў прыродаахоўнага заканадаўства просім паведаміць на тэлефон “гарачай лініі” Гарадоцкай міжраённай інспекцыі аховы жывёльнага і расліннага свету па нумары 8(02139)4-02-10.
Васіль НОВІКАЎ, начальнік Гарадоцкай міжраённай інспекцыі аховы жывёльнага і расліннага свету.
Надрукавана ў №8 ад 29.01.2016 г.