У сувязі з правядзеннем на тэрыторыі раёна вакцынацыі дзікай драпежнай жывёлы супраць шаленства з прымяненнем авіяцыі трэба пазбягаць знаходжання ў зоне пралётаў самалётаў, каб не быць траўміраванымі ад падаючых прынад. Забараняецца браць прынады з вакцынацыяй рукамі і даваць іх хатняй жывёле. Не дазваляецца кантакт дзяцей з вакцынаўтрымліваючымі блістэрамі-прынадамі.
Прынада з вакцынай уяўляе сабой брыкет шэрага або цёмна-карычневага колеру масай да 30 грамаў, выраблены з кампанентаў ядомых кармоў для драпежнікаў, мае спецыфічны пах.
Пры выпадковым пападанні вакцыны на адкрытыя часткі цела або на слізістую абалонку вачэй, рота і носа неабходна прамыць іх вадой, апрацаваць двухпрацэнтным растворам пітной соды і звярнуцца ва ўстанову аховы здароўя.
З 27 кастрычніка самалёты лятаюць на вышыні 150-200 метраў з хуткасцю 150-180 км/гадз., акрамя тэрыторыі населеных пунктаў.
Аляксандр БЯЛЯЕЎ, намеснік начальніка Шумілінскай райветстанцыі.
Надрукавана ў №86 ад 01.11.2016 г.