Вынікі першынства: ФК “Шуміліна” – чацвёрты
У выхадныя сталі вядомыя пераможцы і прызёры абласнога першынства па футболе.
У суботу ФК “Лепель” прымаў сенненскіх футбалістаў. Гэта быў матч за “золата” абласнога першынства. Перамогу ў матчы з лікам 2:1, а разам з ёй і тытул чэмпіёна ўзяў ФК “Лепель”.
А вось у нядзелю разыгралася сапраўдная драма для шумілінскіх футбалістаў. У 12.00 яны выйшлі на поле гарадскога стадыёна ў Шуміліне супраць віцебскага “Газавіка”. Шумілінцы ўпэўнена перамаглі з лікам 4:2. А ў 15.00 у Гарадку пачаўся матч “Прамень-КРОВ-СК” – ФК “Міёры”. Госці перамаглі з лікам 1:3, тым самым “адсунулі” ФК “Шуміліна” на чацвёртае месца.
Аляксандр ШЭДЗЬКО.
Надрукавана ў №86 ад 01.11.2016 г.
