За бездакорную службу
Указам Прэзідэнта Рэспублікі Беларусь начальнік райаддзела па надзвычайных сітуацыях, маёр унутранай службы Андрэй Сасновіч узнагароджаны медалём “За бездакорную службу” III ступені.
На мінулым тыдні ўзнагароджанне прайшло ва ўрачыстай абстаноўцы ў Віцебскім абласным упраўленні МНС. Уручыў дзяржаўную ўзнагароду Андрэю Сасновічу, а таксама яшчэ 24 выратавальнікам Віцебшчыны, намеснік Міністра па надзвычайных сітуацыях Рэспублікі Беларусь Ігар Уладзіміравіч Болатаў.
Андрэй Іванавіч Сасновіч у пажарнай службе працуе амаль 20 год, з іх тры з паловай года ўзначальвае раённы аддзел. Медаль – высокая адзнака за ўзорнае і бездакорнае выкананне службовых абавязкаў.
Віншуем з узнагародай!
Алена КАРПУШЭНКА.
Надрукавана ў №79 ад 10.10.2017 г.
Горжусь своим соседом.Всего самого наилучшего,здоровья,карьерного роста.