Шумілінцы – пятыя
У Лёзне прайшлі чацвёртыя абласныя спаборніцтвы сярод добраахвотных пажарных каманд Віцебскай вобласці, ініцыятарамі якіх выступілі Віцебскае абласное ўпраўленне Міністэрства па надзвычайных сітуацыях і абласны савет РДГА “Беларускае добраахвотнае пажарнае таварыства”. Шуміліншчыну на конкурсе прадстаўляла каманда ДЛГУ “Шумілінскі лясгас”.
На тэсціраванні другое месца забраў наш Аляксей Лявонаў. Прыгожым, з жорсткай барацьбой стала баявое разгортванне ад мотапомпы, дзе перамога дасталася камандзе філіяла Глыбоцкіх электрычных сетак. Шумілінцы занялі трэцяе месца. Па выніках усіх конкурсаў каманда “Шумілінскага лясгаса” стала пятай сярод 22 каманд.
Алена КАРПУШЭНКА.
Надрукавана ў №66 ад 22. 08.2019 г.
