Перапіс прайшлі амаль 5 мільёнаў чалавек
Па дадзеных Белстата на 21 кастрычніка, у перапісе ўзялі ўдзел 4 мільёны 920,8 тысячы чалавек. Самастойна праз інтэрнэт перапісаліся 2 мільёны 24 тысячы чалавек.
Па 30 кастрычніка вы можаце перапісацца на стацыянарных перапісных участках. У Шумілінскім раёне перапісныя ўчасткі размешчаны:
г.п. Шуміліна, вул Ленінская, 31 (у будынку Беларусбанка);
г.п. Обаль, вул. Даўмана, 13 (у будынку Обальскага сельскага выканаўчага камітэта).
З 21 па 30 кастрычніка будуць працаваць перапісчыкі, якія наведаюць па месцы жыхарства тых, хто не змог перапісацца праз інтэрнэт ці на перапісным участку. Перапісчыкі працуюць штодзень з 9.00 да 21.00.
Як пазнаць перапісчыка?
У перыяд з 21 па 30 кастрычніка да вас прыйдзе перапісчык, які павінен мець:
1. пасведчанне
2. спецыяльную сумку з лагатыпам і святловяртальным элементам
3. планшэтны камп’ютар для правядзення апытання Рэспандэнта
Рэкамендуецца зверыць дадзеныя пасведчання з пашпартам чалавека, якія да вас прыйшоў.
Можна патэлефанаваць у кол-цэнтр па нумары 8-801-100-31-31 (званок бясплатны) і ўдакладніць дадзеныя пра перапісчыка.
Надрукавана ў №83 ад 22.10.2019 г.
