Мінадукацыі вызначыла графік школьных канікулаў у новым навучальным годзе
Фота з архіва
23 ліпеня, Мінск /Кар. БЕЛТА/. Міністэрства адукацыі вызначыла графік школьных канікулаў у новым навучальным годзе. Ён апублікаваны на сайце ведамства, паведамляе БЕЛТА.
Першая чвэрць будзе з 1 верасня па 31 кастрычніка, другая — з 9 лістапада па 24 снежня, трэцяя — з 11 студзеня па 27 сакавіка 2021 года, чацвёртая — з 5 красавіка па 31 мая 2021 года. Адпаведна, асеннія канікулы будуць прадаўжацца 8 дзён (1-8 лістапада), зімовыя — 17 дзён (25 снежня — 10 студзеня), вясеннія — 8 дзён (28 сакавіка — 4 красавіка).-0-
