11 кастрычніка – Дзень работнікаў культуры
Паважаныя работнікі і ветэраны ўстаноў культуры Шумілінскага раёна!
Прыміце сардэчныя віншаванні з прафесійным святам – Днём работнікаў
культуры!
Дзякуючы вашай творчасці наша жыццё насычана яркімі мерапрыемствамі, развіваюцца рамёствы, вядзецца культурна-асветная дзейнасць.
Ваша штодзённая работа, і ў святы, і ў будні, заслугоўвае падзякі за талент і майстэрства, якія вы дорыце людзям, нараджаючы ў іх душах пачуцці ўзнёслага. Вы несяце ў наша жыццё мастацтва, творчасць, гармонію і прыгажосць, вучыце разумець, цаніць і памнажаць цудоўнае.
Шчыра дзякуем усім работнікам і ветэранам за высокі прафесіяналізм і жыццёвы аптымізм.
Жадаем вам удзячных паклоннікаў вашага таленту, невычэрпнага натхнення, маральнага задавальнення ад атрыманых вынікаў. Няхай ваша праца будзе дастойна ўзнагароджана, заслугі не застануцца незаўважанымі, а кожны дзень будзе насычаны новымі ідэямі, яркімі ўражаннямі і добрымі весткамі.
Здароўя, любві, удачы, дабрабыту і дабрыні!
Раённы выканаўчы камітэт.
Раённы Савет дэпутатаў.
Апублікавана ў №79 ад 09.10.2020 г.
