Перамога Шумілінскага лясгаса
23 ліпеня на базе Ушацкага лясгаса прайшла абласная летняя спартакіяда сярод лясгасаў Віцебскай вобласці. За перамогу змагаліся 18 каманд. Выйграла спартакіяду каманда Шумілінскага лясгаса.
Спаборніцтвы праходзілі ў сямі відах спорту. У плаванні шумілінскія спартсмены занялі першае каманднае месца, у асабістым заліку перамагла Алена Лабынцава. У лёгкаатлетычным кросе таксама першае каманднае месца, прычым у спаборніцтвах сярод жанчын першае месца ў Аляксандры Бяспалавай, а другое – у Анастасіі Малашонак. Стральба з пнеўматычнай зброі прынесла нашым землякам другое каманднае месца, Мікалай Лявонаў стаў трэцім у асабістым заліку. У гіравым спорце шумілінцы сталі трэцімі, у асабістым заліку перамог Дзмітрый Галуза. Спаборніцтвы таксама прайшлі па міні-футболе, валейболе і настольным тэнісе.
Аляксандр ШЭДЗЬКО.
Фота з архіва Шумілінскага лясгаса.
Апублікавана ў №57 ад 27.07.2021 г.