Актыўней працаваць у інтэрнэце
27 жніўня Шумілінскі раён наведаў міністр інфармацыі Рэспублікі Беларусь Уладзімір Пярцоў
Міністр прыняў удзел у пасяджэнні раённага выканаўчага камітэта, а таксама наведаў рэдакцыю раённай газеты “Герой працы”, дзе пазнаёміўся з умовамі работы супрацоўнікаў рэдакцыі.
Уладзімір Пярцоў (у цэнтры) падчас наведвання рэдакцыі.
У размове з журналістамі Уладзімір Пярцоў звярнуў увагу на неабходнасць актывізацыі работы ў глабальнай сетцы інтэрнэт, што дапаможа вырашыць многія пытанні дзейнасці рэдакцыі.
Гаворачы пра эканамічны складальнік работы рэдакцыі, Уладзімір Пярцоў заклікаў не абмяжоўвацца толькі тыражамі і рэкламай у друкаванай газеце, свой даход можа прынесці і манетызацыя публікацый у інтэрнэце. А дадатковыя даходы дапамогуць павысіць зарплату работнікам рэдакцыі і вырашыць праблему дэфіцыту маладых кадраў.
– Калі раённая рэдакцыя сканцэнтруе свае намаганні на рашэнні гэтых пытанняў, то ў яе будзе і даход, і дастойны заробак, і моладзь у калектыве, – падсумаваў Уладзімір Пярцоў.
Сяргей ЕРМАЛАЕЎ.
Фота Алены КАРПУШЭНКА.
Апублікавана ў №67 от 31.08.2021 г.
