Надзейная каманда ветэранаў
У раённым аддзеле ўнутраных спраў прайшоў Дзень шанавання ветэранаў РАУС
Намеснік начальніка РАУС Аляксандр Шумінскі падзякаваў ветэранам міліцыі за выкананне службовых абавязкаў, за тое, што яны і сёння з’яўляюцца надзейнай камандай, не стаяць у баку ад грамадскіх праблем, прымаюць удзел у патрыятычным выхаванні моладзі. Ён павіншаваў ветэранаў, пажадаў ім здароўя, бадзёрасці і сіл. За шматгадовы актыўны ўдзел у рабоце ветэранскай арганізацыі, прафілактычную работу сярод насельніцтва Аляксандр Шумінскі ўручыў ветэранам граматы і падзякі Упраўлення ўнутраных спраў Віцебскага аблвыканкама.
Ветэраны ўвялі новую традыцыю – урачыста ўручаць зброю маладым супрацоўнікам. Курсы першапачатковай падрыхтоўкі ў Мінску прайшлі міліцыянер-дзяжурны ізалятара часовага ўтрымання Аляксандр Піскун і ўчастковы інспектар інспекцыі па справах непаўналетніх Павел Пучкоў.
У гэты ж дзень прайшоў справаздачна-выбарны сход арганізацыі. Быў абраны савет ветэранаў, старшынёй арганізацыі зноў стаў Юрый Арлоў.
Ларыса КІСЯЛЁВА.
Апублікавана ў №91 ад 23.10.2021 г.