Шумілінцы едуць на абласное свята
12 лістапада ў Віцебску пройдзе заключны этап фестывалю-кірмашу працаўнікоў вёскі Віцебскай вобласці «Дажынкі-2022».
Цырымонія ўзнагароджання пераможцаў абласнога спаборніцтва за дасягненне лепшых вынікаў на ўборцы ўраджаю адбудзецца ў зале пасяджэнняў абласнога Савета дэпутатаў.
Дэлегацыю Шуміліншчыны ўзначаліць старшыня раённага выканаўчага камітэта Сяргей Галынчык. У складзе дэлегацыі – намеснік начальніка ўпраўлення па сельскай гаспадарцы і харчаванні райвыканкама Раман Прасветаў. Для ўзнагароджання на абласное свята запрошаны кіраўнік СФГ «Раднік» Юрый Сямёнаў, трактарыст-машыніст гэтай гаспадаркі Віктар Буеў, механізатары Аляксандр Кляцкоў з КУСГП «Ульскі» і Сяргей Гоманаў з ААТ «АграБаравінка».
Ларыса ЗАЙЦАВА.
