На восеньскіх канікулах больш за 200 удзельнікаў спрабавалі свае сілы ў раённым этапе Рэспубліканскай алімпіяды па школьных прадметах, які праходзіў у СШ №1 г. п. Шуміліна.
107 вучняў 8-11 класаў (а большасць брала ўдзел у алімпіядзе па 2-3 прадметах) з агульнаадукацыйных устаноў раёна адказвалі на пытанні, выконвалі практычныя заданні. І рабілі гэта, трэба адзначыць, дастаткова паспяхова. Найбольшую колькасць удзельнікаў прыцягнулі такія прадметы, як руская мова і літаратура – 18, матэматыка і працоўнае навучанне – па 15, фізкультура – 14, біялогія – 12 вучняў.
Як расказала метадыст раённага вучэбна-метадычнага кабінета Таццяна Бараноўская, па выніках алімпіяды прысуджана 46 дыпломаў: 4 – першай ступені, 14 – другой і 28 – трэцяй. У лідарах па колькасці заваяваных дыпломаў Шумілінская СШ №1 – 35, шэсць дыпломаў на рахунку Шумілінскай СШ №2, чатыры – Обальскай СШ, адзін – Слабадской базавай школы.
Сярод педагогаў, якія рыхтавалі вучняў да алімпіяды, найлепшы вынік у настаўнікаў СШ №1 Інц Наталлі Станіславаўны – 5 пераможцаў, Сілінай Любові Барысаўны – 3 пераможцы (руская мова і літаратура), Мясаедава Юрыя Мікалаевіча – 3 (фізічная культура і здароўе).
Дыпломы першай ступені заваявалі вучні СШ №1: адзінаццацікласнікі Вікторыя Шэдзько (руская мова) і Арцём Іспянькоў (фізічная культура), а таксама дзевяцікласнікі Кіра Гуйдо (руская мова) і Марыя Навіцкая (фізкультура).
Удзельнікі абласнога этапа, які пройдзе падчас зімовых канікул, будуць вызначаны пасля падвядзення вынікаў па вобласці.
Сяргей ЕРМАЛАЕЎ.
