Не прапальвай сваё жыццё! Бойцеся нядбайных курцоў!
Неасцярожнае абыходжанне з агнём – самая распаўсюджаная прычына пажараў і гібелі ад іх людзей. У чалавека, які курыць у ложку, шанс застацца ў жывых мінімальны. Толькі за бягучы перыяд 2022 года па Шумілінскім раёне па прычыне неасцярожнага абыходжання з агнём адбылося 13 пажараў, на якіх загінулі 2 чалавекі.
Па дадзеных розных апытанняў, больш 50% мужчын і 10% жанчын штодня рызыкуюць не толькі сваім здароўем, але і жыллём з-за непатушанага акурка. Такія быццам бы бяскрыўдныя дзеянні «дастаў цыгарэту-пакурыў-выкінуў» могуць прывесці да трагічнага ланцужка «выпіў-закурыў-заснуў». Выклікаўшы тленне, сам акурак праз некаторы час згасае, але ўтвораны ім ачаг тлення ператвараецца ва ўзгаранне.
Ратавальнікі нагадваюць 4 правілы, як курыць бяспечна (хоць бы для захаванасці вашага жыцця):
- Калі самі не можаце адмовіцца ад тытуню, не кідайце цыгарэты на падлогу і не курыце ў ложку.
- Акуркі трэба складваць у бляшанку, напоўненую вадой. Забудзьце пра звычку кідаць «бычкі» з лоджыі ці балкона.
- Зачыняйце на балконе або лоджыі вокны, а таксама не захоўвайце там лёгказагаральныя вадкасці. Перыядычна прыбірацца і не ствараць на балконе склад – добрае рашэнне не толькі для аматараў мінімалізму.
- Усталюйце ў жылым пакоі аўтаномны пажарны апавяшчальнік, які дапаможа своечасова апавясціць вас пра пажар.
Памятайце: лепшы сродак засцерагчы сябе ад наступстваў тытуню – зусім кінуць курыць. Не забывайце, што «лятаючыя» і «п’яныя» акуркі могуць стаць прычынай скалечаных жыццяў, паламаных лёсаў і спаленага дома.
Вадзім ПІВАВАРАЎ, інспектар РАНС.
