Наталля Чаранок – адна з лепшых даярак ў вобласці
Віцебская абласная арганізацыя грамадскага аб’яднання «Беларускі саюз жанчын» сёлета ўзнагародзіла падзячнымі лістамі лепшых жывёлаводаў Віцебшчыны. Адзначана і аператар машыннага даення фермы Мішкавічы СФГ «Раднік» Наталля Чаранок.
«У маёй групе 68 кароў, ёсць і 14 цялятак, якіх выпойваю, даглядаю і кармлю, – расказала жанчына. – Стараюся быць уважлівай».
Падзячны ліст і падарунак Н. Чаранок уручыла старшыня райкама прафсаюза работнікаў АПК Вольга Пусянкова. Яна падзякавала Наталлі за добрую работу, пажадала далейшых працоўных перамог.
Ларыса КІСЯЛЁВА.
