Першы ўкос
Усе гаспадаркі раёна прыступілі да першага ўкосу. Усяго трэба скасіць 12600 гектараў, нарыхтаваць на адну ўмоўную галаву 29,6 кармавой адзінкі травяністых кармоў. А па раёне трэба нарыхтаваць 33 тысячы тон кармавых адзінак. У ”Прыдзвінскім” і “Шумілінскім райаграсэрвісе” пачалі закладваць сянаж, у “Лаўжанскім” і “Прыазёрным міры” – прасаваць сена. На днях да гэтай работы далучацца астатнія гаспадаркі.
Усяго на 31 мая па раёне скошана 558 гектараў травы (4,4% да патрэбнага). Наперадзе механізатары “Шумілінскага райаграсэрвісу”, якія скасілі 147 гектараў травы. Пакуль у кожнай з гаспадарак задзейнічаны па адной-дзве касілкі. А ў разгар касьбы на палетках будуць працаваць да паўсотні касілак, паведаміў намеснік начальніка райсельгасхарчу С. Б. Завадскі.
І падкормка, і хімпраполка
Хімпраполка яравых зерневых культур – адзін з важных аграпрыёмаў догляду за пасевамі. Згодна з планам хімпраполку трэба правесці на 8700 гектарах, на 31 мая зрабілі больш за палову плошчаў. Заканчваюць хімпраполку ў “Прыдзвінскім”, больш як палавіну справы зрабілі ў “АграБаравінцы” і “Прыазёрным міры”. Адначасова вядзецца хімпраполка кукурузы, лёну і рапсу.
Гаспадаркі раёна прыступілі і да падкормкі яравых зерневых. З плана 8700 гектараў зроблена пакуль 25,7%. У тэмпах падкормка вядзецца ў “Прыдзвінскім” – 53,5%, “Мішневічах” – 48% і “Шумілінскім райаграсэрвісе” – 44%.
У дзвюх гаспадарках раёна – “Прыазёрным міры” і “Ляжнях” – вядзецца апрацоўка зерневых рэгулятарамі росту, якія адначасова фарміруюць і ўстойлівасць пасеваў да палягання. Астатнія гаспадаркі закупляюць рэгулятары росту і ўжо на гэтым тыдні ўключацца ў работу.
Ларыса ЗАЙЦАВА.
Надрукавана ў №43 ад 01.06.2012 г.