У Шумілінскім РАУС – новы кіраўнік
На пасаду начальніка аддзела ўнутраных спраў Шумілінскага райвыканкама прызначаны падпалкоўнік міліцыі Леанід Анатольевіч Навіцкі.
Новага кіраўніка калектыву РАУС 4 снежня прадставіў начальнік УУС Віцебскага аблвыканкама генерал‑маёр міліцыі Андрэй Любімаў.
Леанід Навіцкі скончыў Беларускі гандлёва-эканамічны ўніверсітэт спажывецкай кааперацыі, папрацаваў у сферы гандлю, адслужыў ва Узброеных Сілах Рэспублікі Беларусь. У снежні 2005 года пачаў службу ў Шумілінскім РАУС оперупаўнаважаным групы па барацьбе з эканамічнымі злачынствамі крымінальнай міліцыі. Раённаму аддзелу ўнутраных спраў аддаў больш за шэсць гадоў. З чэрвеня 2012 па чэрвень 2018 Л. А. Навіцкі прадоўжыў службу ва ўпраўленні па барацьбе з эканамічнымі злачынствамі УУС Віцебскага аблвыканкама. У 2016 годзе завочна скончыў Акадэмію МУС. Займаў пасаду першага намесніка начальніка Гарадоцкага РАУС-начальніка крымінальнай міліцыі, апошні год быў начальнікам Талачынскага РАУС.
