Тут дыханне слаўнай даўніны
На шумілінскай зямлі ёсць нямала прыгожых мясцін, дзе можна набыць домік для дачы ці пасяліцца назаўсёды. Ёсць прыдатныя месцы для развіцця аграэкатурызму, развіцця санаторна-курортнай зоны, вядзення прыватнага бізнесу. Пра ўсё гэта мы раскажам у цыкле матэрыялаў пад рубрыкай «Месца для жыцця».
Першы на нашым шляху – Светласельскі сельсавет. Ён складаецца з 19 населеных пунктаў. Гэта вялікая і перспектыўная тэрыторыя на карце Шумілінскага раёна. Найперш зручна тое, што добрыя транспартныя зносіны – з абласнога цэнтра часта ходзяць аўтобусы і цягнікі. Практычна кожны рэйсавы аўтобус прыпыняецца ў аг. Светласельскі. Да другога аграгарадка – Башні – можна дабрацца на прыгарадным аўтобусе.
На тэрыторыі Светласельскага сельсавета развіта сацыяльная сфера (бібліятэкі ў Светласельскім і Башнях, два сельскія клубы (у Лескавічах і Башнях), тры навучальныя ўстановы (Башнеўская школа і дзіцячы сад у Башнях, дзіцячы сад у Светласельскім), тры медыцынскія ўстановы
(Светласельская ўрачэбная амбулаторыя, фельчарска-акушэрскія пункты ў Башнях і Язвіне), шэсць гандлёвых аб’ектаў («Санта», «Хіт», «Мара» і «Будматэрыялы» ў Светласельскім), «Алёнка» ў Язвіне, прадуктовы магазін Бешанковіцкага філіяла Віцебска-га аблспажыўтаварыства ў Башнях), ёсць
магчымасць працаўладкавання.
Немалаважна тое, што ў трох населеных пунктах – в. Язвіна, аг. Башні, аг. Светласельскі – ёсць магчымасць газіфікацыі, у іншых вёсках магчыма падключэнне электраацяплення.
Тэрыторыя сельсавета багата на знакамітыя месцы і помнікі прыроды. Так,
у Полцеве размешчана сядзіба-комплекс пана Баршчэўскага, у Лескавічах – храм Сергія Раданежскага, сядзіба Хлюдзінскіх, касцёл-санктуарый маці Божай Фацімскай у Светласельскім. Гэтыя знакамітыя мясціны, лясы, чыстае паветра, азёры Лескавіцкае, Будавесць, Круглік, Мурожніцкае будуць даспадобы дачнікам, прадпрымальным людзям, якія зацікаўлены развіваць аграэ-катурызм, ствараць санаторна-курортныя зоны.
Многім асабліва спадабаюцца вёскі Цербяшова і Полцева, бо яны размешчаны на беразе Заходняй Дзвіны. Вельмі зручна дабірацца да садаводчага таварыства «Дачнае», што размешчана непадалёк ад Ужляціна: тут побач чыгунка і траса-Р-20.
У таварыстве ёсць 146 свабодных участкаў, якія могуць узяць грамадзяне для вя дзення калектыўнага садаводства.
«На тэрыторыі Светласельскага сельса-вета ёсць пабудовы, якія можна набыць для арганізацыі прадпрымальніцкай дзейнасці, пустуючае жыллё. Таксама маюцца 53 свабодныя ўчасткі, якія можа набыць кожны жадаючы для будаўніцтва і абслугоўвання жылых дамоў, – адзначае в. а. старшыні
Светласельскага сельсавета Людміла Васільева. – Па 7 такіх участкаў у Лескавічах, Башнях і Баёўцы, па 6 – у Крупчыне і Цербяшове, 5 – у Каравайніцы. Ёсць свабодныя ўчасткі ў Язвіне, Ужляціне, Полцеве, Завяззі, Ільінцах, Мазеках. Акрамя гэтага, маюц-ца два аўкцыённыя населеныя пункты аг. Башні і в. Лескавічы. Гэта значыць, участкі тут можна набыць толькі па выніках аўкцыёну або грамадзянамі Рэспублікі Беларусь, якія маюць патрэбу ў прадастаўленні жылля. Зараз да правядзення аўкцыёну (22 снежня) рыхтуецца адзін ўчастак у Башнях для будаўніцтва і абслугоўвання жы-лога дама. Усіх жадаючых запрашаем набываць у нашых населеных пунктах участкі для будаўніцтва жылля, вядзення асабістай падсобнай гаспадаркі, развіцця аграэкатурызму. З пералікам свабодных участкаў падрабязна можна азнаёміцца ў фае сельвыканкама, на сайтах айвыканкама, аблвыканкама».
Ларыса ЗАЙЦАВА.