Гатовы выслухаць і дапамагчы
У раёне актыўна праходзяць справаздачы дэпутатаў перад выбаршчыкамі.
Дэпутат Шумілінскага раённага Савета дэпутатаў па Кастрычніцкай Выбарчай акрузе № 10 Аксана Талстая выступіла са справаздачай аб сваёй дэпутацкай дзейнасці перад калектывам Шумілінскага раённага Дома рамёстваў. У сваім выступленні яна расказала аб рабоце раённага Савета дэпутатаў, адзначыла ключавыя дасягненні і ініцыятывы, накіраваныя на паляпшэнне жыцця жыхароў раёна.
Па завяршэнні справаздачы Аксана Генадзьеўна правяла прыём грамадзян, падчас якога жыхары змаглі задаць свае пытанні і агучыць праблемы.
Адным з пытанняў стала прапанова ўстанавіць кантэйнеры для збору цвёрдых камунальных адходаў каля дома № 10 па вуліцы 40 год Кастрычніка.
Таксама паступілі пытанні аб перспектывах укладкі тратуара з другога боку дарогі па вуліцы 40 год Кастрычніка і аб разглядзе магчымасці ўладкавання дарожак для праходу ад новага дома № 9 па завулку Угнявенка да іншых дамоў.
Дэпутат райсавета выказала гатоўнасць разгледзець усе прапановы і заўвагі, якія паступілі.
Алена КАРПУШЭНКА.
