На Шуміліншчыне вызначаны тры месцы для купання на Вадохрышча
Старажытнае і паважанае ўсімі хрысціянамі свята Вадохрышча штогод святкуецца 19 студзеня.
З цягам часу свята абрасло вялікай колькасцю традыцый і, мабыць, самай папулярнай з іх з’яўляецца абрад купання ў палонцы. Але нават у такое святое свята нельга забываць пра бяспеку і выбіраць месца для правядзення абраду толькі ў спецыяльна адведзеных акваторыях.
У Шумілінскім раёне арганізаваны тры такія месцы:
возера Лескавіцкае (цэнтральны пляж) в. Лескавічы – 18 студзеня з 16.00 да 18.00, 19 студзеня з 12.00 да 16.00,
возера Царкоўнае в. Пабеда – 18 студзеня з 16.00 да 18.00.
вадаём на вул. Вышалескага г. п. Обаль – 19 студзеня з 13.00 да 15.00.
Асвячэнне пройдзе на ўсіх купелях. Побач з імі будуць дзяжурыць ратавальнікі і медыкі.
У астатніх месцах купанні забаронены!
Алена КАРПУШЭНКА.
