В Шумилинском районе стартовал второй (районный) этап республиканских предметных олимпиад

Главное Новости Образование Общество


Інтэлектуальны марафон

У раёне стартаваў другі (раённы) этап рэспубліканскіх прадметных алімпіяд. Інтэлектуальныя спаборніцтвы сёлета праходзяць у абноўленым фармаце.
Галоўная навіна – новы падыход да арганізацыі. Як расказала метадыст вучэбна-метадычнага кабінета Надзея Каротчанка, прывычны штурм алімпіядных вяршыняў быў раздзелены на блокі.


– Сёлета мы адышлі ад практыкі, калі ўсе прадметы аднаго напрамку праводзіліся ў адзін дзень. Цяпер гэта працяглы працэс, – адзначыла Надзея Каротчанка. – Алімпіяды раздзелены на прадметы гуманітарнага цыклу і дакладныя навукі. Гэта дазваляе ўдзельнікам сканцэнтравацца на сваіх накірунках і пазбегнуць перагрузак, а арганізатарам – забяспечыць больш камфортныя ўмовы для правядзення.

Асаблівая ўвага – зручнасці для саміх вучняў. Руская, беларуская і замежныя мовы праводзяцца ў розныя дні. Гэта зна­чыць, што здольны вучань можа паспрабаваць свае сілы ва ўсіх моўных алімпіядах. Такі ж падыход ужыты і да дакладных навук.

Прыемна ўражвае і статыстыка сёлетняга этапа.

– Сёлета прымаюць удзел 98 эрудытаў, летась іх было 76, – працягвае Надзея Аляксандраўна. – Такая дынаміка – сведчанне таго, што цікавасць да алімпіяд расце і вучні гатовы дасягаць новых вяршынь.

Спаборніцтвы будуць доўжыцца на працягу месяца, гэта будзе 8 алімпіядных дзён.

Ужо прайшлі першыя выпрабаванні для знаўцаў замежнай мовы, фізічнай культуры і матэматыкі. Арганізатары адзначаюць высокі ўзровень падрыхтоўкі ўдзельнікаў і сур’ёзны настрой школьнікаў.

Аляксандр ШЭДЗЬКО.



Добавить комментарий

Ваш адрес email не будет опубликован. Обязательные поля помечены *