Як распазнаць махляроў?
Маладыя людзі нярэдка становяцца не толькі кур’ерамі, але і дроперамі –падстаўнымі асобамі, якіх махляры выкарыстоўваюць для вываду ўкрадзеных грошай.
Падлеткі паведамляюць чужому чалавеку рэквізіты сваёй банкаўскай карткі, а махляры пераводзяць на яе грошы.
Супрацоўнікі РАУС нагадваюць: распазнаць, што вас вярбуюць махляры, можна па некаторых прыкметах.
Вось асноўныя з іх:
Махляры часта шукаюць сабе памочнікаў – кур’ераў, пераводчыкаў грошай. Прычым, стараюцца знайсці іх сярод падлеткаў, якія не вельмі задумваюцца пра сэнс работы і наступствы, — пачаў размову на злабадзённую тэму оперупаўнаважаны крымінальнага вышуку РАУС Максім Васільеў.
- Дружалюбны старт. Вам напісаў у месенджары незнаёмец: без напору і ўгавораў, іншы раз нават «па рэкамендацыі» або праз знаёмых.
- Заманлівая прапанова. Звычайна абяцаюць хуткія грошы, вопыт работы пры гэтым не патрэбны. Такія фразы як «нічога складанага», «разлік адразу», «дапамога», «падработка» павінны насцярожыць.
- Першае заданне. Звычайна гэта нешта зусім нескладанае: напісаць камусьці ўказаны тэкст, пераслаць паведамленне, «праверыць схему».
- Паступовае ўцягванне. Заданні становяцца сур’ёзнымі, за іх плацяць немалыя грошы.
- Пагрозы ці маральны націск. Калі чалавек ужо ўнутры схемы і ў яго не атрымліваецца з яе выйсці, пачынаюцца пагрозы: «ты вінаваты», «ёсць доказы», «ты ўжо ўдзельнік».
Людміла ЗУЙКОВА.
