“Дарагая” рыбка ад небагатага ўлову
Надоўга запомніць сваю рыбалку жыхар г. п. Шуміліна, які дабываў рыбу забароненымі прыладамі (стаўнымі пераноснымі пасткамі (вяршы) ў перыяд вясенняй забароны. На возеры Мошна ён незаконна вылавіў чатырох карасёў залатых, 9 лінёў, 32 плоткі. Тым не менш небагаты ўлоў агульнай вагай 1,5 кг ацэнены ў 9 мільёнаў 720 тысяч рублёў (!).
Да слова, нанесены прыродзе ўрон вылічваецца не ад вагі рыбы, а ад яе колькасці. Дадзены факт парушэння прыродаахоўнага заканадаўства разглядаецца Шумілінскім РАУС для прававой ацэнкі.
Гарадоцкая міжраённая інспекцыя аховы жывёльнага і расліннага свету просіць пра ўсе выпадкі выяўлення фактаў парушэння прыродаахоўнага заканадаўства паведамляць на тэлефон “гарачай лініі” 8(02139)4-02-10.
В. НОВІКАЎ, начальнік Гарадоцкай міжраённай інспекцыі аховы жывёльнага і расліннага свету.
Надрукавана ў №45 ад 11.06.2013 г.
Пятница, 26.04.2024
