Аб стаўках зямельнага падатку, падатку на нерухомасць па Шумілінскім раёне на 2014 год

Аб стаўках зямельнага падатку, падатку на нерухомасць па Шумілінскім раёне на 2014 год
Рашэнне Шумілінскага раённага Савета дэпутатаў №182 ад 18 лістапада 2013 г.
На падставе пункта 1 арт. 17 Закона Рэспублікі Беларусь ад 4 студзеня 2010 года “Аб мясцовым кіраванні і самакіраванні ў Рэспубліцы Беларусь” Шумілінскі раённы Савет дэпутатаў РАШЫЎ:
1. Павялічыць на 2014 год:
1.1.    стаўкі зямельнага падатку:
для фізічных асоб за зямельныя ўчасткі, размешчаныя ў межах населеных пунктаў, а таксама за іх межамі, прадастаўленыя фізічным асобам для будаўніцтва і абслугоўвання жылога дома, вядзення асабістай падсобнай гаспадаркі, агародніцтва, калектыўнага садаводства, сенакашэння і выпасу жывёлы, дачнага будаўніцтва, і ў выпадку атрымання па спадчыне ці набыцця жылога дома – у 2 разы;
для фізічных асоб за землі населеных пунктаў, занятыя гаражнымі масівамі і асобна стаячымі (індывідуальнымі) гаражамі, а таксама выкарыстоўваемыя для ажыццяўлення прадпрымальніцкай дзейнасці – у 2 разы;
для юрыдычных асоб за землі населеных пунктаў, а таксама за іх межамі – у 2 разы;
для арганізацый спажывецкай кааперацыі, камунальнага ўнітарнага прадпрыемства бытавога абслугоўвання насельніцтва Шумілінскага раёна па аб’ектах, размешчаных у гарадскім пасёлку Шуміліна і гарадскім пасёлку Обаль, – у 1,5 раза;
1.2 стаўкі падатку на нерухомасць:
для фізічных асоб, што маюць ва ўладанні гаражы, размешчаныя ў гаражных масівах гарадскога пасёлка Шуміліна і гарадскога пасёлка Обаль, а таксама па асобна стаячых (індывідуальных) гаражах у гарадскім пасёлку Шуміліна і гарадскім пасёлку Обаль – у 2 разы;
для фізічных асоб на будынкі і пабудовы, уключаючы аб’екты незавершанага будаўніцтва, у залежнасці ад іх сапраўднага кошту і з улікам каэфіцыенту якасці асяроддзя і тыпу населенага пункта:
з коштам да 100 мільёнаў беларускіх рублёў незалежна ад месца размяшчэння – у 1, 2 раза;
з коштам звыш 100 мільёнаў беларускіх рублёў незалежна ад месца размяшчэння – у 1,3 раза;
для фізічных асоб на аб’екты нерухомасці, выкарыстоўваемыя ў прадпрымальніцкай дзейнасці, – у 2 разы;
для юрыдычных асоб – у 2 разы;
для арганізацый спажывецкай кааперацыі, камунальнага ўнітарнага прадпрыемства бытавога абслугоўвання насельніцтва Шумілінскага раёна па аб’ектах, размешчаных у гарадскім пасёлку Шуміліна і гарадскім пасёлку Обаль, – у 1,5 раза.
2. Не прымяняць у 2014 годзе павышаючыя каэфіцыенты да ставак зямельнага падатку і падатку на нерухомасць для арганізацый, што аказваюць жыллёва-камунальныя паслугі насельніцтву па тарыфах, устанаўліваемых Саветам Міністраў Рэспублікі Беларусь, і якія атрымліваюць субсідыі з мясцовых бюджэтаў на кампенсацыю часткі выдаткаў аказання гэтых паслуг, а таксама камунальнага ўнітарнага прадпрыемства бытавога абслугоўвання насельніцтва Шумілінскага раёна па аб’ектах, размешчаных у сельскіх населеных пунктах.
3. Вызваліць на 2014 год юрыдычных асоб, якія з’яўляюцца навукова-тэхналагічнымі паркамі, цэнтрамі трансферу тэхналогій, рэзідэнтамі навукова-тэхналагічных паркаў, ад выплаты  падаткаў і збораў, поўнасцю выплачваемых у бюджэт Шумілінскага раёна.
4. Кантроль за выкананнем сапраўднага рашэння ўскласці на інспекцыю Міністэрства па падатках і зборах Рэспублікі Беларусь па Шумілінскім раёне.
5. Апублікаваць сапраўднае рашэнне ў раённай газеце “Герой працы”.
6. Сапраўднае рашэнне ўступае ў сілу пасля яго афіцыйнага апублікавання.
І. М. НОВІКАВА, старшыня Шумілінскага раённага Савета дэпутатаў.
Надрукавана ў №96 ад 10.12.2013 г.