23 снежня ў Шуміліне прайшоў парад Дзядоў Маразоў. На жаль надвор’е было не вельмі зімовым, але гэта не псавала святочнага настрою дзятвы, якая чакала ад іх і іншых казачных персанажаў калядных і навагодніх цудаў. Шэсце завяршылася на пляцоўцы ў гарадскім парку ля галоўнай ёлкі. Жыхары райцэнтра сталі гледачамі і ўдзельнікамі прадстаўлення «Навагодняе турнэ» з традыцыйным выкраданнем Дзеда Мароза і Снягуркі казачнымі злодзеямі і іх шчаслівым выратаваннем. Фіналам шоу стаў навагодні карагод і запальванне ёлкі пад чароўнае заклінанне «Раз, два, тры — ёлачка, гары!».