Навагоднія прыгоды ў тэатры “Лялька”
На школьных канікулах для вучняў 1-2-х класаў Мікіціхінскай сярэдняй школы была арганізавана паездка ў віцебскі тэатр “Лялька”.
З вялікім задавальненнем дзеці паглядзелі лялечны спектакль “Навагоднія прыгоды ў зімовым лесе”. Таму, што казка спадабалася, сведчылі дзіцячыя ўсмешкі і гучнае лясканне далонямі. А пасля прагляду дзеці актыўна ўдзельнічалі ў навагодніх забавах каля ёлкі з Дзедам Марозам, Снягуркай і Снегавіком. Ім давялося і спяваць, і танцаваць, і паказаць свой спрыт у гульнях. А напрыканцы свята кожны ўдзельнік атрымаў салодкі прыз і юбілейны каляндар да 30-годдзя тэатра. Паездка вельмі спадабалася і пакінула прыемныя ўражанні.
Таццяна ГАЛУЗА, класны кіраўнік 2 класа Мікіціхінскай СШ.
Надрукавана ў №3 ад 12.01.2016 г.
