В Шумилино начался капитальный ремонт общежития по улице Короткина

Ідзе капітальны рамонт інтэрната
Жыхары Шуміліна заўважылі, што разгарнуліся будаўнічыя работы на даху інтэрната па вуліцы Кароткіна, 16. Намеснік старшыні райвыканкама Алег Быкаў расказаў, што ідзе капітальны рамонт будынка, у ходзе якога плоскі дах будзе заменены на скатны, пройдуць іншыя маштабныя работы.
Як расказаў начальнік вытворча-тэхнічнага аддзела УП ЖКГ Юрый Міцькін, рэканструкцыя вядзецца сіламі прадпрыемства гаспадарчым спосабам. Агульны яе кошт – восем з паловай мільярда, сёлета плануецца засвоіць больш за два мільярды. Апроч даху будуць адноўлены інжынерныя сеткі, заменена вонкавае электразабеспячэнне, зроблена адмостка, унутраныя работы ў правым крыле будынка і многае іншае.
Наталля ЧАРНІЧЭНКА.
Надрукавана ў № 30 ад 15.04.2016 г.