Колькі разоў партрэт Свірыдзенкі Валерыя Мікалаевіча ўпрыгожваў раённую Дошку гонару, не скажа дакладна нават сам перадавік. Многа.
За 42 гады вернага служэння арганізацыі выключная працавітасць, сціпласць, арганізаванасць, вопыт і прафесіяналізм у рабоце крочаць поплеч з машыністам бульдозера Шумілінскага прадпрыемства меліярацыйных сістэм. І дапамагаюць увесь гэты працяглы час трымаць марку, дабівацца высокіх паказчыкаў у рабоце, быць карысным і неабходным калектыву, адчуваць павагу і аўтарытэт.
Кіраўніцтва давярае Валерыю Свірыдзенку самыя адказныя і складаныя заданні. Летась, напрыклад, бульдазерыст прыклаў, як кажуць, сваю руку да будаўніцтва Полацкай і Віцебскай гідраэлектрастанцый. Умацоўваў берагі Заходняй Дзвіны, працаваў часам нават у экстрэмальных сітуацыях – на дужа стромкіх схілах. Працаваў таксама на рэканструкцыі меліярацыйных сістэм “Чэрніца” і “Сіроціна” КУСГП “Сіроцінскі”. Наогул за 2015 год выканаў на сваім бульдозеры “Shantui SD-16” больш за 60 тыс. м куб. земляных работ. Ён ніколі не цураецца ніякай работы і не лічыцца з уласным часам.
В. Г. Свірыдзенка – заслужаны меліяратар Беларускай ССР, “Ветэран прадпрыемства”.
Алена КАРПУШЭНКА.
Надрукавана ў № 43 ад 03.06.2016 г.