Шумилинская районная организация Белорусского общества инвалидов всегда отмечает дни именинников

Грамадства

Клубныя пасядзелкі
Члены раённай арганізацыі Беларускага таварыства інвалідаў заўжды адзначаюць дні імяніннікаў. Яны збіраюцца за вялікім сталом, спяваюць песні, кажуць адзін аднаму добрыя словы і дораць падарункі. Гэта выдатная традыцыя, якой ужо шмат год, і якая не збіраецца збаўляць абаротаў.
Вось і нядаўна ў кафэ “Блюз” ладзіліся клубныя пасядзелкі “Імянінныя віншаванні”, на якія сабралася 80 чалавек. Асаблівай увагай надзялілі, вядома, юбіляраў. 35 табе год, 50 ці нават 80 – нагода радавацца пражытым гадам ёсць заўсёды. А тое, што вакол шмат сяброў, якія жадаюць табе толькі ўсяго самага найлепшага, дадае настрою, мацуе дух і нават здароўе.
Віншаванні з 80-гадовымі юбілеямі ў гэты дзень прымалі Генадзь Якаўлевіч Сувораў (на здымку) і Таццяна Міхайлаўна Жукава.
Свята атрымалася вясёлым, па-сямейнаму прачулым і цёплым. Да віншаванняў юбілярам далучаемся і мы.
Наталля ЧАРНІЧЭНКА.
Надрукавана ў №74 ад 20.09.2016 г.



Добавить комментарий

Ваш адрес email не будет опубликован. Обязательные поля помечены *