Шумилинский район подводит итоги 2016 года

Выканаць запланаванае ў максімальна магчымым аб’ёме

У панядзелак 19 снежня пад кіраўніцтвам старшыні райвыканкама Аляксандра Снарава прайшло сумеснае пасяджэнне прэзідыума раённага Савета дэпутатаў і раённага выканаўчага камітэта. На пасяджэнні былі разгледжаны вынікі работы народнагаспадарчага комплексу раёна і выканання раённага бюджэту за 2016 год, абмеркаваны асноўныя задачы на 2017 год. У пасяджэнні браў удзел старшыня камітэта прыродных рэсурсаў і аховы навакольнага асяроддзя аблвыканкама Руслан Вінакураў.
З дакладам аб сацыяльна-эканамічным развіцці раёна і прагнозе на 2017 год выступіў намеснік старшыні райвыканкама Віктар Доктараў.

Аб выкананні бюджэту за 11 месяцаў далажыла начальнік фінансавага аддзела райвыканкама Алена Сідарэнка.

“Вынікі выканання бюджэту раёна за студзень-лістапад 2016 года абумоўлены няпростымі эканамічнымі ўмовамі, – адзначыла Алена Савельеўна. – Зніжэнне тэмпаў вытворчасці і рэалізацыі прадукцыі, зніжэнне эфектыўнасці вытворчасці і рост страт негатыўна адбіваецца на выкананні раённага бюджэту па даходах. Чакаемае невыкананне гадавога плана па даходах ацэньваецца ў памеры 590,7 тыс. рублёў, што не дазволіць поўнасцю прафінансаваць запланаваныя расходы”.
З улікам работы рэальнага сектара эканомікі, падатковай базы дадатковых паступленняў у бюджэт Шумілінскага раёна ўсіх узроўняў паступіла 12067,4 тыс. рублёў, у тым ліку: у рэспубліканскі 3275,8 тыс. руб., у мясцовы 8791,5 тыс. руб., у тым ліку ў бюджэт раёна 8726,8 тыс. руб. У структуры даходаў 87% плацяжоў забяспечаны за кошт падаходнага падатку на фізічных асоб 45,1%), падатку на дабаўленую вартасць (16%), плацяжоў пры асаблівых рэжымах падаткаабкладання (6,4%), кампенсацыі выдаткаў дзяржавы (6,9%).
Выдаткі бюджэту за 11 месяцаў склаліся ў суме 23 387,1 тыс. рублёў, за кошт уласных сродкаў прафінансавана 37,3%, за кошт паступленняў з вышэйстаячага бюджэту – 62,7%.
Асноўныя артыкулы выдаткаў бюджэту: адукацыя – 40,6%, ахова здароўя – 18,0%, жыллёва-камунальныя паслугі і жыллёвае будаўніцтва – 18,3%, фізкультура, культура і сродкі масавай інфармацыі – 8,0%, агульнадзяржаўная дзейнасць – 7,5%, сацыяльная абарона – 5,3%.
На працягу года прымаліся меры па эканоміі бюджэтных выдаткаў (агульная сума эканоміі 185,4 тыс. руб.). У прыватнасці, за кошт аптымізацыі ўстаноў адукацыі эканомія склала 132,6 тыс. руб, па ўстановах аховы здароўя – 43,8 тыс. руб., культуры – 8,5 тыс. руб.
Дакладчык паведаміла пра планавыя паказчыкі бюджэту раёна на 2017 год.
Па выніках абмеркавання рэкамендавана вынесці азначаныя пытанні на зацвярджэнне сесіі раённага Савета дэпутатаў.

З даклада намесніка старшыні райвыканкама В. В. Доктарава
За 2016 год прасочваецца станоўчая дынаміка па экспарце тавараў (114,7% да 2015 года пры заданні 105%), колькасці працаўладкаваных грамадзян за кошт стварэння новых прадпрыемстваў (22 чалавекі пры заданні 22), удзельнай вазе запасаў у сярэднямесячным аб’ёме вытворчасці (29,3% пры заданні 40%). Забяспечана выкананне задання па вытворчасці прамысловай прадукцыі па індэксе фізічнага аб’ёму – 107,4%, рознічным тавараабароце – 103,7%, увядзенні агульнай плошчы жылах дамоў – 2750 кв. м (101,9% да задання), паказчык па энергазберажэнні – мінус 21,9% (пры заданні мінус 4%).

Сельская гаспадарка
За 11 месяцаў бягучага года тэмп росту вытворчасці валавой прадукцыі сельскай гаспадаркі склаў 98,4% да ўзроўню 2015 года, у тым ліку ў жывёлагадоўлі – 114,8%, раслінаводстве – 75,2%. Асноўнай прычынай зніжэння валавой прадукцыі ў 2016 годзе з’яўляецца недаатрыманне прадукцыі раслінаводства з-за адсутнасці ў сельгасарганізацыях раёна свабодных грашовых сродкаў  для набыцця ў поўным аб’ёме мінеральных угнаенняў, гаруча-змазачных матэрыялаў, запчастак для рамонту тэхнікі.
Вытворчасць малака склала 18 520 тон (98,3% да 2015 года). Павялічылі валавую вытворчасць малака ААТ “Прыдзвінскі” – 112,7%, КУСГП “Сіроцінскі” – 107% і “Мішневічы” – 104,8%, УП “Шумілінскі райаграсэрвіс” – 101,3%.
Прадукцыя вырошчвання буйной рагатай жывёлы склала 1846,7 тоны (149,7%) Сярэднясутачныя прывагі па раёне склалі 466 грамаў.

Прамысловасць
У адыходзячым годзе назіраўся рост аб’ёму вытворчасці прамысловай прадукцыі ў фактычных цэнах у цэлым па раёне да адпаведнага перыяду мінулага года на 14,8%, у тым ліку на Обальскім керамічным заводзе на 54,1%. УП ЖКГ вырабіла прамысловай прадукцыі на 101,5%.
На прадпрыемствах  малога і сярэдняга бізнесу дадзены паказчык забяспечаны: ЗВПУП “Славянскі прадукт” – 197,9%, СТАА “Вежа” – 247,1%, цэх СТАА “Вітконпрадукт” – 98,7%, ПП “Легна” – 135,3%, МВ-17 – у 3,3 раза.
На ААТ “Обальскі керамічны завод” выраблена цэглы будаўнічай 14700 тыс умоўных штук (151,9% да мінулага года). Гэта звязана з завяршэннем мадэрнізацыі цэха №2 за кошт сродкаў інавацыйнага фонду Віцебскага аблвыканкама і ўласных сродкаў (агульны кошт праекта склаў 10,7 мільёна рублёў).

Экспарт тавараў і паслуг
Экспарт тавараў за 9 месяцаў бягучага года склаў 2318,6 тыс. долараў ЗША.  Прадпрыемствамі раёна асвоены рынкі Расіі, Украіны, Германіі, Кітая, Латвіі, Літвы, Эстоніі, Даніі, Бельгіі, сёлета прадукцыя пачала адгружацца ў Швейцарыю, В’етнам, Нідэрланды. Забяспечана дадатнае сальда знешняга гандлю ў 1820,9 тыс. долараў ЗША.
Экспарт паслуг знізіўся і склаў 42,2 тыс. долараў ЗША (63,4% да 2015 года). Выраслі транспартныя паслугі – 121,3%, турыстычныя – у 4,4 раза. Сальда знешняга гандлю паслугамі дадатнае – 19,1 тыс. долараў ЗША.

Рознічны гандаль
За 10 месяцаў 2016 года тэмп росту рознічнага тавараабароту склаў 93,0% да 2015 года (па вобласці – 93,7%). Рознічны гандаль харчовымі таварамі складае 98,0%, нехарчовымі – 89,9%. Тэмп росту тавараабароту грамадскага харчавання склаў 103,7% (па вобласці – 100,2%).
Высокія паказчыкі росту рознічнага тавараабароту забяспечылі КУП БАН, “Ляжні”, “Тытунь”, “Вітконпрадукт”, філіял “Белпошта”, “Карынагандаль”, “Юліна”. Ніжэй за мінулагоднія паказчыкі спрацавалі: райспажыўтаварыства, АЗС, “Белтэлекам”. Удзельная вага райспажыўтаварыства ў агульным аб’ёме рознічнага тавараабароту склала 19,2% (мінус 10,8% да пачатку года).

Жыллёвае будаўніцтва
Уведзена ў эксплуатацыю 2750 кв. м жылля – 40-кватэрны жылы дом у Шуміліне, 7 індывідуальных жылах дамоў, у тым ліку на сяле – 2 дамы. Асвоена 2021,8 тыс. рублёў, у тым ліку льготных крэдытаў – 1485,5 тыс. руб., уласных сродкаў забудоўшчыкаў – 356,3 тыс. руб., сродкаў раённага бюджэту – 180,0 тыс. руб.

Малы і сярэдні бізнес
На працягу шэрагу гадоў у раёне назіраецца ўстойлівая тэндэнцыя павелічэння колькасці арганізацый малога бізнесу. Цяпер у раёне працуе 117 мікра- і малых арганізацый, у якіх працуюць 556 чалавек. 23% арганізацый заняты ў сферы прамысловай вытворчасці і будаўніцтва, 20% – у гандлі , 42% – у транспартным абслугоўванні, 7% – у сферы паслуг, 7% – у сельскай гаспадарцы. Прадпрыемствы малога і сярэдняга бізнесу ўносяць важкі ўклад у фарміраванне кансалідаванага бюджэту – 50,1% ад агульнай сумы паступленняў.

Зарплата
Сярэднямесячная зарплата за студзень-кастрычнік 2016 года склала 477,9 руб., у тым ліку за кастрычнік – 479,8 руб. (рост да мінулага года 3,6% і 5,8% адпаведна). У сельскай гаспадарцы зарплата склала 353,3 руб., прамысловасці – 569,7 руб., будаўніцтве – 552,1 руб., гандлі – 514,3 руб. Па ацэнцы намінальная налічаная зарплата за студзень-снежань 2016 года складзе 479,4 руб.

Жыллёва-камунальная гаспадарка
Сёлета выкананы рамонт 5 артэзіянскіх свідравін, 76 калонак, перакладзена 0,6 км водаправодаў, адрамантаваны 24 шахтавыя калодзежы. Заменены 5,4 км цеплавых сетак, выкананы рамонт 1140 кв. м дахаў, 980 м швоў сценавых панеляў, 1835 м цеплаізаляцыі труб у дамах. Перакладзена 781 м трубаправода ацяплення ў аграгарадку Мікіціха. Выкананы іншыя работы.

Сацыяльная сфера
Працягваецца аптымізацыя ўстаноў адукацыі раёна. На ўмацаванне матэрыяльна-тэхнічнай базы ўстаноў адукацыі выдаткавана 8642 руб., на бягучы рамонт – 46751 руб. Завершана будаўніцтва фізкультурна-аздараўленчага цэнтра, у якім створаны 22 новыя працоўныя месцы. Аднавіў работу дзіцячы дом сямейнага тыпу, у якім выхоўваюцца зараз 4 дзіцяці.
Праведзена аптымізацыя сеткі ўстаноў культуры, у выніку якой колкасць устаноў скарацілася да 50. Музычную адукацыю ажыццяўляюць дзве школы мастацтваў.
На рамонты і ўмацаванне матэрыяльнай базы медыцынскіх устаноў пайшло 64,7 тыс. і 19,3 тыс. руб. адпаведна.
За 2016 год нарадзілася 193 дзіцяці (на 7 менш, чым у 2015 го-дзе). На 1 студзеня 2016 года ў раёне пражывала 18 263 чалавекі, за мінулы перыяд – 18 235 чалавек. Знізілася колькасць працаздольных грамадзян да 8031 (2015 год – 8628 чалавек).
Сяргей ЕРМАЛАЕЎ.
Надрукавана ў № 100 ад 23.12.2016 г.