19 студзеня – Дзень выратавальніка
Паважаныя супрацоўнікі раённага аддзела па надзвычайных сітуацыях, ветэраны працы! Ад усёй душы віншуем вас з прафесійным святам – Днём выратавальніка!
За час існавання службы выратавальнікаў ваш калектыў не раз даказваў сваю арганізаванасць, надзейнасць і прафесіяналізм.
Сваімі адносінамі да справы, дакладнай і аператыўнай работай вы заслужылі давер і шчырае прызнанне жыхароў Шумілінскага раёна. Яны спадзяюцца на вас, ваш вопыт, аператыўнасць і бясстрашнасць, таксама ведаюць, што ў цяжкую хвіліну кожны можа разлічваць на своечасовую дапамогу і падтрымку.
Вы аператыўна выязджаеце на трывожныя выклікі, рызыкуеце ўласным жыццём дзеля выратавання іншых – гэта заслугоўвае ўхвалення, але не менш важна прагназаванне і папярэджанне надзвычайных сітуацый, прафілактычная работа інспекцыі нагляду і прафілактыка сярод насельніцтва.
Упэўнены, што ваш калектыў і надалей будзе прыкладам цвёрдай дысцыпліны, сумленнай службы, а таксама надзейнай апорай для ўсіх жыхароў нашага раёна пры ўзнікненні надзвычайных сітуацый.
Прыміце ў гэты святочны дзень шчырыя пажаданні моцнага здароўя, дабрабыту, узаемаразумення і згуртаванасці ў калектыве, далейшых поспехаў у выкананні пастаўленых перад аддзелам задач!
Раённы выканаўчы камітэт. Раённы Савет дэпутатаў.
Надрукавана ў №5 ад 17.01.2017 г.
