Шчупак пад забаронай
З 9 сакавіка па 25 красавіка ўстанаўліваецца забарона на лоўлю шчупака звычайнага.
Як паведаміў начальнік Гарадоцкай міжраённай інспекцыі аховы жывёльнага і расліннага свету Васіль Новікаў, асобы, якія знаходзяцца ў рыбалоўных угоддзях альбо на прылеглых да іх тэрыторыях на адлегласці да 1 км ад берагавой лініі рыбалоўных угоддзяў з дадзеным відам рыбы без дакументаў, якія пацвярджаюць законнасць валодання рыбай, будуць прыцягвацца да адміністрацыйнай адказнасці.
Пры выяўленні парушэнняў прыродаахоўнага заканадаўства трэба паведамляць на тэлефон “гарачай лініі” Гарадоцкай інспекцыі 8(02139)57210.
Надрукавана ў №17 ад 28.02.2017 г.
