Пасябравалі з Соняй
Не прыходзіцца сумаваць 83-ом дзеткам, якія адпачываюць у лагеры “Дружба”, што працуе ў Шумілінскай СШ №1. Штодзень – нешта цікавае і новае.
Адметным стала мерапрыемства, якое ў рамках акцыі “Дзень адкрытых дзвярэй” арганізавалі супрацоўнікі Шумілінскага аддзялення Дэпартамента аховы.
Часова выконваючы абавязкі начальніка капітан міліцыі Яўген Сянькоў расказаў дзецям, чым займаюцца ў Дэпартаменце аховы. Малыя з задавальненнем прымяралі бронекамізэлькі і шлемы, вывучалі міліцэйскую машыну. А затым галоўным героем стаў службовы сабака Соня, што, выконваючы загады кінолага Аляксея Зубарава, пераскоквала праз бар’еры і ўзяла след “злачынцы”. Даспадобы прыйшлося малым тое, што ім дазволілі пагуляцца з сабакам. Трэба было бачыць, як 80 дзяцей абступілі Соню, якая, віляючы хвастом, уключылася ў гульню.
Як адзначыў Яўген Сянькоў, супрацоўнікі дэпартамента аховы ў хуткім часе наведаюць Обальскі сацыяльны прытулак.
Аляксандр ШЭДЗЬКО.
Надрукавана ў №48 ад 23.06.2017 г.
Классные фото.