Дзень сям’і ў Мішневіцкай школе сустрэлі спартыўным мерапрыемствам “Сямейныя старты”.
Свята сабрала шмат удзельнікаў – хлопчыкаў і дзяўчынак, мам і бабуль. Каманды дэманстравалі сваё адзінства і поўнае сямейнае паразуменне ў конкурсах “Футбалісты”, “Пераправа”, “Баба-Яга ў тыле ворага”, “Тэнісісты”, “Трапны мяч”, “Кенгуру” і інш. Завяршыла конкурсную праграму перацягванне каната.
Дзеці і дарослыя атрымалі масу пазітыўных уражанняў і цікава правялі час. Усе каманды былі на вышыні і па выніках спартыўна-гульнявой праграмы атрымалі падарункі. Конкурсная праграма прайшла весела, нязмушана і ў чарговы раз даказала, як жа гэта выдатна – весці здаровы лад жыцця.
Юлія ЗУБАРАВА,
настаўнік Мішневіцкай д/с-СШ.
Надрукавана ў №38 ад 18.05.2018 г.