З Днём Незалежнасці Рэспублікі Беларусь!

Актуалии Официально

Дарагія землякі!

Ад усёй душы віншуем вас з дзяржаўным святам – Днём Незалежнасці Рэспублікі Беларусь!

Для беларусаў гэтая дата з’яўляецца сімвалам нацыянальнай гордасці, доблесці, славы, адзінства і згуртаванасці людзей. Яно ўвасабляе станаўленне нашай суверэннай дзяржавы, у якой чалавек, яго правы і свабоды з’яўляюцца вышэйшай каштоўнасцю, аб’ядноўвае ўсіх, хто любіць сваю Айчыну, ганарыцца тысячагадовай гісторыяй, багацейшай духоўнай і культурнай спадчынай.

Нашаму пакаленню выпала шчасце жыць у мірны час, час стварэння і вялікіх поспехаў у розных сферах жыцця грамадства.

Нас усіх аб’ядноўвае любоў да сваёй малой радзімы – Шуміліншчыны, мы нясем адказнасць за яе сучаснасць і будучыню. Поспех рэгіёна складваецца з прафесійных і асабістых поспехаў яго жыхароў, кожны з якіх уносіць свой уклад у яго развіццё.

Пераадольваючы часовыя цяжкасці, мы ідзем па шляху стварэння: у раёне захоўваецца і працуе вытворчая і сацыяльная інфраструктура, будуюцца жылыя дамы, рамантуюцца дарогі, адкрываюца новыя гандлёвыя аб’екты, добраўпрадкоўваюцца месцы масавага адпачынку, спартыўныя і дзіцячыя пляцоўкі і многае іншае.

Упэўнены, што сумеснымі намаганнямі мы зробім наш край яшчэ больш сучасным і камфортным для жыцця.

Напярэдадні галоўнага дзяржаўнага свята прыміце шчырыя пажаданні моцнага здароўя, ажыццяўлення намечаных планаў, дабрабыту, поспехаў у працы, на карысць роднай Айчыны. Міру, шчасця, дабра і працвітання ўсім вам!

Раённы выканаўчы камітэт.                                               Раённы Савет дэпутатаў.



Добавить комментарий

Ваш адрес email не будет опубликован. Обязательные поля помечены *