В Шумилино сдали под ключ новый 32-квартирный дом

Актуалии Новости Экономика

Дом зазвініць дзіцячымі галасамі
7 ліпеня ў Шуміліне на вуліцы Кааператыўнай урачыста адкрылі новы 32-кватэрны жылы дом, у якім жыллё атрымалі 29 сямей, 28 з якіх  – мнагадзетныя.


Старшыня Віцебскага абласнога Савета дэпутатаў Уладзімір Цярэнцьеў падчас цырымоніі адкрыцця адзначыў: “Цудоўна, што ў гэтым доме будуць гучаць дзіцячыя галасы. Выдатна, што расце мікрараён, і мы можам быць упэўнены, што 1 верасня колькасць дзетак, якія пойдуць ў школу і дзіцячы сад, вырасце. Дзякуй матулям і татам, бо выхаваць такую колькасць дзяцей – подзвіг. Хацелася б, каб гэты дом стаў для вас не проста родным, але тым месцам, куды заўжды хацелася б ісці. Няхай у доме пануюць толькі радасць і ўтульнасць”. Уладзімір Уладзіміравіч сказаў, што добрай традыцыяй стала тое, што жыллё ў Шуміліне будуе свая будаўнічая арганізацыя. Дзе б  ПМК-70 не бралася за справу – заўсёды гэта якасна, заўсёды ў тэрмін, заўсёды добрыя ўражанні і радасць тых, хто потым эксплуатуе ўзведзеныя будынкі.
Старшыня райвыканкама Аляксандр Снараў падкрэсліў, што за апошнія гады ў раёне вырашаюцца многія сацыяльныя пытанні, якія паляпшаюць якасць жыцця людзей: рамонт аддзяленняў цэнтральнай раённай бальніцы, Обальскай СШ і Шумілінскай СШ №1 сярэдніх школ, спартыўнай школы, увядзенне фізкультурна-аздараўленчага цэнтра, добраўпарадкаванне населеных пунктаў і іншае. “Увядзенне ў эксплуатацыю 32-кватэрнага дома, пабудаванага шляхам долевага будаўніцтва, вырашыць жыллёвую праблему 29 сямей, у якіх выхоўваецца 95 дзетак. Тры кватэры камерцыйнага жылля зарэзерваваны для маладых спецыялістаў. Дарэчы, побач ужо закладваецца фундамент чарговага дома”, – сказаў кіраўнік раёна.

На здымку: Аляксей Крыўко, Таццяна Шаціла, Уладзімір Цярэнцьеў і Аляксандр Снараў

Ад імя будучых жыхароў выступіла Таццяна Шаціла, маці чацвярых дзяцей, яна выказала словы ўдзячнасці ўладам за падтрымку мнагадзетных сямей, будаўнікам  – за хуткую і якасную работу.
Дырэктар Шумілінскай ПМК-70 Аляксей Крыўко падзякаваў за высокую ацэнку работы будаўнікоў, заўважыў, што моцны калектыў будаўнікоў гатовы працаваць на карысць роднага раёна, адзначыў, што шумілінскія будаўнікі працуюць і ў суседніх раёнах на вытворчых і сацыяльных аб’ектах. Кіраўнік будаўнічай арганізацыі перадаў сімвалічны ключ прадстаўніку заказчыка – дырэктару Шумілінскага УКСа Міхаілу Ляхаву.
Уладзімір Цярэнцьеў, Аляксандр Снараў, Аляксей Крыўко, Таццяна Шаціла пераразаюць чырвоную стужку – і дом адкрыты. Дарэчы, частка кватэр здадзена з поўным аздабленнем, але большасць жыхароў вырашыла даводзіць жыллё да ладу самастойна.
Сяргей ЕРМАЛАЕЎ.
Надрукавана ў №52 ад 10.07.2018 г.



1 комментарий по теме “В Шумилино сдали под ключ новый 32-квартирный дом

  1. Алексей так держать!!!Пора раскрывать свой потенциал на 100 % и становится на район.С такими руководителями и район будет жить!!!Поднял из криминального пьяного болота организацию на должный уровень.Уверен человек на своём месте все годы не зря,в отличии от некоторых бумагомарателей преследующих лишь шкурный интерес.

Добавить комментарий

Ваш адрес email не будет опубликован. Обязательные поля помечены *