З экскурсіяй да дэсантнікаўГрупа старшакласнікаў з Шумілінскай СШ №2, раённай гімназіі і Башнёўскай школы пабывала на экскурсіі ў 103-й асобнай гвардзейскай паветрана-дэсантнай брыгадзе ў Віцебску.
Экскурсію да віцебскіх дэсантнікаў арганізаваў райкам БРСМ разам з адасобленай групай (Шумілінскага раёна) ваенкамата Бешанковіцкага і Шумілінскага раёнаў.
Як расказала в. а. першага сакратара райкама БРСМ Марыя Камісарава, паездка падлеткам спадабалася, і многім хлопцам пасля экскурсіі захацелася стаць дэсантнікамі.
Безумоўна, гісторыя 103-й гвардзейскай паветрана-дэсантнай брыгады, якая сёлета адзначае сваё 75-годдзе, уражвае шматлікімі гераічнымі старонкамі, дастойнымі быць прыкладам. Пра гэтыя старонкі расказвала камандаванне брыгады, пра гэта сведчаць экспанаты музея баявой славы, з якімі пазнаёміліся старшакласнікі.
А яшчэ хлопцам далі патрымаць у руках зброю, паказалі сучасную тэхніку, пазнаёмілі з буднямі салдат.
Аліна КАНСТАНЦІНАВА.
Надрукавана ў №16 ад 22.02.2019 г.
